Pjany mužčyna na Zybickaj chacieŭ pahutaryć z amapaŭcami i paškodziŭ im aŭtamabil
U sud nakiravali spravu ŭ dačynieńni da 24-hadovaha žychara Minskaha rajona, jakoha abvinavačvajuć u chulihanstvie. Pra heta paviedamiła ahienctva «Minsk-Naviny» sa spasyłkaj na prakuraturu Centralnaha rajona.
Pavodle materyjałaŭ spravy, chłopiec usiu noč adpačyvaŭ u barach na vulicy Zybickaj, a zranku, budučy ŭ niećviarozym stanie, staŭ źbiracca dadomu. Na vulicy jon zaŭvažyŭ Ford Transit, ź jakoha vyjšli amapaŭcy, vyklikanyja achoŭnikam adnoj z ustanoŭ.
Padazravanamu, jak paviedamlajecca, niečaha zachaciełasia pahutaryć z amapaŭcami, i jon pasprabavaŭ adčynić začynienyja dźviercy ich słužbovaha aŭto. Kali heta nie ŭdałosia, jon mocna ŭdaryŭ pa mašynie, z-za čaho na kuzavie ŭtvaryłasia ŭvahnutaść.
Paśla taho mužčynu zatrymali i dastavili ŭ RUUS. Jamu vystavili abvinavačvańnie ŭ chulihanstvie na padstavie č. 1 art. 339 KK RB. Maksimalnaja sankcyja artykuła — da 3 hadoŭ pazbaŭleńnia voli.
Svaju vinu małady čałaviek pryznaŭ i kampiensavaŭ pryčynienuju škodu, jakaja skłała kala 1450 rubloŭ.
Fihurant pracuje inžynieram, raniej da kryminalnaj adkaznaści nie pryciahvaŭsia.
Kamientary