Źnikły rasijski kambat znajšoŭsia va ŭkrainskim pałonie. Na videa jon nanosić na kartu dla USU rasijskija vajskovyja pazicyi
Źnikły piać dzion tamu rasijski kamandzir bataljona №1822 z Samary major Tomaŭ znojdzieny žyvym, jon daje pakazańni ŭkrainskim vajskoŭcam.
Na apublikavanym videa Tomaŭ nanosić na kartu rasijskija pazicyi i ŭmacavańni ŭzdoŭž uschodniaha bieraha Dniapra.
Suviaź z rasijskaj raźviedhrupaj z 16 čałaviek pad kamandavańniem majora Tomava źnikła 8 žniŭnia. Paviedamlałasia, što hrupa nie vyjšła na kantrolny punkt.
Raniej u ŚMI źjaviłasia infarmacyja ab «dziorzkaj akcyi» ŭkrainskaha śpiecnaza na levym bierazie Dniapra ŭ Chiersonskaj vobłaści, zaŭvažyła «Lusterka».
Jak raspavioŭ ekśpiert niamieckaha vydańnia BILD Juljan Riopke , ranicaj 8 žniŭnia ŭkrainskim śpiecnazaŭcam udałosia na nievialikich łodkach pierapravicca cieraz reki Dniepr i Konka i vysadzicca na paŭdniovym bierazie ŭ rajonie Kazačych Łahieraŭ. Pad prykryćciom rakiet śpiecnaz šturmavaŭ rasijskija pazicyi.
Dalejšyja dziejańni byli bolš ryzykoŭnymi, adznačaŭ vajenny ekśpiert. Zachapiŭšy rasijskuju pazicyju, ukraincy imitavali zaklik rasijskich sałdat ab dapamozie, vykarystaŭšy ci to racyju, ci navat mabilny telefon adnaho z zabitych rasiejcaŭ. Paśla hetaha rasijski kambat Tomaŭ u supravadžeńni jašče prykładna dziesiaci vajskoŭcaŭ pajechaŭ na pieradavuju, dzie jaho čakała ŭkrainskaja pastka.
Ukrainskija vajskoŭcy admaŭlali pierabrosku svaich vajskoŭcaŭ na levy bierah Dniapra.
Ciapier čytajuć
Siarhiej Cichanoŭski pierabraŭsia žyć u Łos-Andželes38
Kamientary
Pobolšie takich