Mašyna abliła čałavieka vadoj z-pad kołaŭ. Ci možna pakarać kiroŭcu?
Z takim pytańniem u redakcyju baranavickaj haziety «Naš kraj» źviarnułasia adna z žycharak horada. Milicyja joj adkazała.
«U adzin ź niepahodnych dzion ja išła pa tratuary pa svaich spravach, jak raptam u hety momant mianie abliŭ z łužyny aŭtamabil, jaki prajazdžaŭ mima, ad čaho ŭsia maja sukienka stała mokraj i brudnaj. Ja paśpieła zapomnić rehistracyjnyja znaki aŭtamabila. Ci praduhledžanaja za hetaje dziejańnie adkaznaść? — tak hučała pytańnie čytački.
U Baranavickaj milicyi na jaho adkazali tak:
«Dla taho, kab pryciahnuć da adkaznaści takoha kiroŭcu, nieabchodna ŭstanavić najaŭnaść u jaho na ździajśnieńnie takich dziejańniaŭ pramoha namieru.
Kali budzie dakazana, što čałaviek abliŭ piešachoda vadoj naŭmysna, jon budzie pryciahnuty da administracyjnaj adkaznaści pa artykule 19.1 (drobnaje chulihanstva) Kodeksa Respubliki Biełaruś ab administracyjnych pravaparušeńniach».
Pa hetym artykule kiroŭca moža być pakarany štrafam u pamiery ad dźviuch da tryccaci bazavych vieličyń, hramadskimi rabotami ci administracyjnym aryštam. Kali ž zły namier nie budzie dakazany, to kiroŭca ničoha z punktu hledžańnia zakonaŭ nie parušaŭ.
Taksama paciarpieły moža źviarnucca ŭ sud z hramadzianskim pazovam u dačynieńni da arhanizacyi, jakaja absłuhoŭvaje toj ŭčastak darohi, na jakim adbyŭsia incydent. Kali heta adbyłosia mienavita z-za kiepskaj jakaści darohi, to tearetyčna možna spahnać kampiensacyju za materyjalnuju i maralnuju škodu ź jaje.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać18
Kamientary