U rasijskim manitory znajšli «čyp ajčynnaj vytvorčaści», jaki prypajali tolki dla spravazdačnaści
U rasijskim manitory LightCom znajšli bieskarysny čyp, jaki ni za što nie adkazvaje. Vierahodna, takim fejkavym «impartazamiaščeńniem» raspracoŭščyki chacieli padmanuć Minpramhandal, raskazaŭ błohier Maksim Haršenin.
Błohier śpiecyjalna razabraŭ novy manitor LightCom, jaki pavinien pracavać na rasijskim mikrakantrolery «Miłandr», — i adłučyŭ hety elemient. Jak ni dziŭna, paśla hetaha manitor spakojna ŭklučyŭsia.
Usio heta tamu, jak śćviardžaje Haršenin, što nasamreč manitor pracuje na prypajanym tajvanskim čypie Realtek. A truk z dałučanaj «pustyškaj» raspracoŭščyki prakrucili z adnoj prostaj metaj — padmanuć rasijskaje Ministerstva pramysłovaści i handlu.
Viedamstva ŭžo niekalki hadoŭ naličvaje vytvorcam techniki bały za najaŭnaść ajčynnych kampanientaŭ i ŭnosić «impartazamiaščalnuju» techniku ŭ śpiecyjalny rejestr — heta ŭ vyniku daje pieravahu pry dziaržzakupkach.
Pry hetym u samim «Miłandry» nie ŭ kursie situacyi z čypam — supracoŭniki pamiž saboj kažuć, što sami mikrakantrolery kampanii rabočyja, a što dalej ź imi robiać, jany nie viedajuć.
U rasijskim Minpramhandlu ŭžo prakamientavali situacyju z čypam. Tam paviedamili, što pravierać akt Handlova-pramysłovaj pałaty, na asnovie jakoha manitor uklučyli ŭ rejestr. Zrešty, jon tudy trapiŭ by ŭ lubym vypadku: manitor nabraŭ 140 bałaŭ (čyp prynios 30 ź ich), a dla ŭklučeńnia ŭ rejestr u 2023 hodzie nieabchodna nabrać 65 bałaŭ.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary