Čatyry hady «chimii» i 3700 rubloŭ štrafu: pramoŭtaru vynieśli prysud za «šmatlikija abrazy» siłavikoŭ i Łukašenki
Na sudzie Uładzisłaŭ Muraŭski nastojvaŭ, što maje psichičny razład.
Da čatyroch hadoŭ abmiežavańnia voli z nakiravańniem u papraŭčuju ŭstanovu adkrytaha typu i štrafu ŭ pamiery 100 bazavych vieličyń asudzili pramoŭtara Uładzisłava Muraŭskaha pa šerahu pratesnych artykułaŭ. Sprava razhladałasia ŭ sudzie Leninskaha rajona Minsk z 31 kastryčnika da 2 listapada. Sudovy praces viała sudździa Julija Ščotkina, piša «Viasna».
Muraŭskaha abvinavacili ŭ abrazach pradstaŭnikoŭ ułady ŭ suviazi z vykanańniem im słužbovych abaviazkaŭ (art. 369 KK), pahrozam hvałtu ŭ dačynieńni da sudździ (art. 389 KK) i publičnaj abrazie Alaksandra Łukašenki (č. 1 art. 368 KK).
Pa materyjałach abvinavačańnia Uładzisłaŭ Muraŭski nieadnarazova publična abražaŭ pradstaŭnikoŭ ułady ŭ telehram-kanałach i čatach («Karatieli Biełarusi», «Čat-Partizan», «Maja kraina Biełaruś»), a taksama razhałošvaŭ ich asabistyja danyja.
Siarod paciarpiełych — učastkovy inśpiektar milicyi UUS administracyi Zavodskaha rajona Minska, deputat Pałaty pradstaŭnikoŭ člen Pastajannaj kamisii pa pravach čałavieka, śledčy rajonnaha adździeła SK pa Zavodskim rajonie, kamandzir AMAP HUUS Minharvykankama, načalnik apieratyŭna-pošukavaha adździeła HUUS, a taksama trojčy — Alaksandr Łukašenka.
Pavodle śledstva, Muraŭski «taksama vykazvaŭ pahrozy hvałtam u dačynieńni da sudździ Frunzienskaha rajona Minska». Pa hetym epizodzie, u chodzie sudovaha pracesu, pieršapačatkovaje abvinavačańnie pa č. 1 art. 366 KK (hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki) było pierakvalifikavana na pahrozy hvałtu ŭ dačynieńni da sudździ (art. 389 KK).
Muraŭski na sudzie zajaviŭ, što nie pryznaje siabie vinavatym, spasłaŭšysia, što ničoha nie pamiataje ničoha z pakazańniaŭ i raźmieščanych u internecie kamientaroŭ z pryčyny psichičnaha zachvorvańnia ŭ formie źmiašanaha razładu, paśla čaho admoviŭsia davać jakija-niebudź tłumačeńni.
Jahonaja maci ŭ sudzie paviedamiła, što ŭ syna majecca psichičnaje zachvorvańnie — źmiašany razład asoby. Adnak zaklučeńnie ekśpierta abvierhła najaŭnaść upłyvu psichičnaha razładu na mahčymaść zapaminać padziei i infarmacyju.
Pra Muraŭskaha viadoma, što jaho zatrymlivali na akcyi 14 lipienia 2020 hoda ŭ Minsku.
Sud pryznačyŭ Muraŭskamu pakarańnie čatyry hady chimii i štraf 3700 rubloŭ.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?54
Kamientary