U sieciva źlili śpis kapryzaŭ śpievaka Šamana, jakija abaviazanyja zadavolvać arhanizatary jaho kancertaŭ
«Lepšy hatel u horadzie, taniravany «Majbach», abaviazkova paduški z husinaha puchu».
Rasijski telehram-kanał BAZA atrymaŭ ad svaich krynic bytavy rajdar (śpis umoŭ i patrabavańniaŭ) praŭładnaha śpievaka Šamana, jaki vysyłajecca kožnamu arhanizataru jahonych kancertaŭ.
«Usie punkty hetaha rajdara źjaŭlajucca abaviazkovymi», — napisana ŭ dakumiencie.
Tak, pavodle śpisu ŭmoŭ, dla raźjezdaŭ pa kancertach (a taksama ŭ aeraporty i vakzały) u miežach Maskvy i Maskoŭskaj vobłaści arhanizatary pavinny padać Šamanu «Mersedes Majbach» z taniravanym škłom.
Što da pajezdak pa inšych haradach ci tych pajezdak, čas šlachu da miesca praviadzieńnia kancertaŭ u jakich składaje bolš za paŭtary hadziny, možna abmiežavacca taniravanym «Mersedesam V-kłasa» z kłasičnym sałonam i matracam pa pamiery zadniaj kanapy z koŭdraj i paduškami, napisana ŭ dakumiencie.
Dla pieramiaščeńniaŭ kamandy śpievaka ŭ rajdary paznačana nieabchodnaść braniravańnia «mikraaŭtobusa na 12 čałaviek ź firankami na voknach».
Samoha Šamana pavinny supravadžać dva achoŭniki na mašynach nie nižejšych za biznes-kłas. Na kancertach pavinny prysutničać «pa 8 achoŭnikaŭ na kožnyja 1000 hledačoŭ».
«Dla pražyvańnia nieabchodny samy lepšy 5-zorkavy hatel u horadzie, raźmieščany maksimalna blizka da miesca praviadzieńnia mierapryjemstva. Artyst pavinien žyć u numary «luks» z łožkam pamieru King Size, dźviuma paduškami z husinaha puchu i ćviordym matracam. Abaviazkovaja najaŭnaść śviatłoniepranikalnych štoraŭ ci charčovaj folhi na voknach.
Dla astatniaj kamandy — standartnyja adnamiesnyja numary», — padkreślivajecca ŭ rajdary Šamana.
Akramia hetaha, krynicy telehram-kanała Baza adznačyli, što paŭtary hadziny kožnaha vystupleńnia Šamana ŭ siarednim kaštujuć 12 miljonaŭ rasijskich rubloŭ.
Nahadajem, što sapraŭdnaje imia Šamana — Jarasłaŭ Dronaŭ. Jamu 30 hadoŭ, naradziŭsia ŭ Navamaskoŭsku, raniej vystupaŭ u styli fołk. Papularnaść u Rasii pryjšła da śpievaka dziakujučy jaho praŭładnym trekam «Ustaniem» i «Ja ruski».
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie2
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary
U Babrujsku dakładna nima..dziakuj ..rajdier )) ni projdzie)))