Ź dźviarej Čyrvonaha kaścioła źnik dakumient ab apiačatvańni. Restaŭracyja ŭžo pačałasia?
U pačatku studzienia na śviežych zdymkach, jakija turysty apublikavali ŭ sacsietkach, vydańnie Katolik.life zaŭvažyła, što dakumienta ab apiačatvańni na dźviarach bolš niama. U toj čas jak minimum da 25 śniežnia, na Božaje Naradžeńnie, jon jašče byŭ.
Apošnija 15 miesiacaŭ dźviery Čyrvonaha kaścioła ŭ Minsku byli apiačatanyja — minčanie i turysty pryvykli bačyć centralny ŭvachod u chram z pryleplenaj papieraj i piačatkami administracyi Maskoŭskaha rajona. Kaścioł byŭ apiačatany 26 vieraśnia 2022 hoda paśla pažaru pry dziŭnych abstavinach.
Što ž adbyvajecca ciapier, kali papierka ab apiačatvańni źnikła? Kali chrama nie adkryli, to, moža, tudy puścili rabočych dla praviadzieńnia namiečanych uładaj ramontnych rabot? Raniej było zajaŭlena, što pačatak budaŭničych rabot pa prajekcie rekanstrukcyi płanujecca ŭ 1 kvartale 2024 hoda, jaki ŭžo pačaŭsia.
Adnak u katalickaj parafii śviatoha Symona i śviatoj Aleny, kudy źviarnuŭsia pa kamientar Katolik.life, adkazali, što pakul nie zaŭvažyli jakich-niebudź rabot u chramie. Pa źviestkach viernikaŭ, prajektna-kaštarysnaja dakumientacyja jašče prachodzić uzhadnieńni i raboty mohuć pačacca nie raniej za viasnu. Napiaredadni vierniki prasili dapuścić ich da rabot pa rekanstrukcyi.
Minski harvykankam i administracyja Maskoŭskaha rajona pakul ničoha nie paviedamlali na hety kont. Što ž tady ź piačatkaj na dźviarach? Mahčyma, chtości jaje sarvaŭ, albo heta zrabili sami ŭłady ź niejkaj pryčyny.
Źjavilisia śviežyja fotazdymki Čyrvonaha kaścioła. Vidovišča biazradasnaje
Prybrali z muzieja, bo ludzi praciahvali na jaho malicca. Vykuplenyja biełarusami eskizy pralivajuć śviatło na nieviadomy raniej abraz z Čyrvonaha kaścioła
Eskizy ałtarnych rośpisaŭ minskaha Čyrvonaha kaścioła vykupili biełarusy zamiežža
U Minharvykankamie raskazali, kali adnović dziejnaść Čyrvony kaścioł
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary