Chackievič pra śmierć Bialkieviča: «Jon zvaliŭsia ŭ jamu, i ja nie zdoleŭ jaho vyciahnuć: depresija, ałkahol»
Były hulec i trenier kijeŭskaha «Dynama» Alaksandr Chackievič u intervju kanału «Žyćcio-malina» raspavioŭ pra abstaviny śmierci svajho kolišniaha partniora pa kamandzie Valancina Bialkieviča.
Słovy Chackieviča pierakazvaje vydańnie «Trybuna».
«U jaho ŭsio vydatna składałasia, my razam pracavali ŭ «Dynama» U-21, potym jon uznačaliŭ U-19, staŭ ź imi čempijonami.
Ja dobra viedaju, što tam adbyłosia dalej, viedaju hetuju historyju, ale nie chaču pra heta raskazvać, tamu što tam zadziejničany davoli viadomyja ludzi.
Valika zvolnili, u jaho skončyŭsia kantrakt, i niechta ź im nie zachacieŭ praciahvać. Ja viedaju chto, ale nie budu kazać. Možna skazać, što jon paśla hetaha zvaliŭsia ŭ jamu, i ja jaho nie zdoleŭ vyciahnuć.
Ja sprabavaŭ dastać jaho. U mianie byŭ kantakt z prezidentam kłuba, ź jaho bratam, ale nie chapiła krychu času.
My ŭžo damovilisia pra ŭsio, i Bielkievič viedaŭ, što vierniecca nazad. Ale jon tak hłyboka zalez u jamu, što, napeŭna, dla siabie vyrašyŭ, što nie budzie viartacca.
Što ja maju na ŭvazie? Depresija, ałkahol, i h. d. Ale hetaha ŭžo nie viernieš», — skazaŭ Chackievič.
Valancin Bialkievič pamior u 2014 hodzie na 42-m hodzie žyćcia.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary