U Rasii zdymuć bajopik pra Žyrynoŭskaha. U hałoŭnaj roli — zorka «Słova pacana»
Pačatak zdymak płanujecca na leta hetaha hoda.
U pres-słužbie staršyni ŁDPR Leanida Słuckaha skazali, što hałoŭnuju rolu ŭ hetym bijahrafičnym filmie pra zasnavalnika partyi syhraje akcior Mikita Kałahryvy. Jon viadomy hledačam pa rolach u filmie «Pa ščupakovym zahadzie» i ŭ sieryjale «Słova pacana».
«Pačatak zdymak płanujecca na leta hetaha hoda. Na sustrečy Leanid Eduardavič Słucki i Mikita Kałahryvy abmiarkoŭvali tvorčyja pytańni», — paviedamiła kiraŭnik pres-słužby ŁDPR Eleanora Kaŭšar, piša «Sputnik».
Pres-sakratar taksama paćvierdziła, što režysioram kinastužki stanie Alaksandr Baranaŭ. Jon ža vystupić i saaŭtaram scenaryja z Alonaj Kulašovaj.
Kaŭšar adznačyła, što dla padrychtoŭki scenara było praviedziena maštabnaje daśledavańnie bijahrafii Žyrynoŭskaha.
«Heta budzie sapraŭdny bajopik, ź jakoha hladač daviedajecca ŭ tym liku małaviadomyja fakty z žyćcia lehiendarnaha palityka», — dadała jana.
Skandalny zasnavalnik i lidar Libieralna-demakratyčnaj partyi pajšoŭ z žyćcia va ŭzroście 75 hadoŭ paśla praciahłaj chvaroby. Žyrynoŭski byŭ špitalizavany z karanavirusam 2 lutaha, adnak u ŚMI infarmacyja pra heta źjaviłasia tolki praz tydzień. Aficyjna było zajaŭlena, što jon pamior 6 krasavika 2022 hoda.
Pachavali Žyrynoŭskaha na Novadziavočych mohiłkach u Maskvie. U hadavinu jaho śmierci na mahile byŭ adkryty pomnik — bronzavaja fihura palityka ŭ poŭny rost vyšynioj 2,75 mietra.
Ciapier čytajuć
Siarhiej Cichanoŭski pierabraŭsia žyć u Łos-Andželes46
Kamientary