Eks-zorcy «Barsiełony» dali čatyry z pałovaj hady realnaj turmy za zhvałtavańnie
Dani Ałviesu niekalki razoŭ admaŭlali ŭ časovym vyzvaleńni pad zakład.
Byłoha abaroncu katałonskaj «Barsiełony» Dani Ałviesa prysudzili da 4,5 hoda turmy pavodle spravy ab zhvałtavańni, paviedamlaje BBC u sacyjalnaj sietcy X (raniej Twitter).
U studzieni Dani Ałviesu vystavili abvinavačańni ŭ zhvałtavańni 23-hadovaj dziaŭčyny ŭ načnym kłubie «Saton» u Barsiełonie. 20 studzienia eks-futbalist byŭ uziaty pad vartu. Paźniej Ałviesu niekalki razoŭ admaŭlali ŭ časovym vyzvaleńni pad zakład.
Brazilski abaronca dobra viadomy svaimi vystupami za «Barsiełonu». U składzie «sinie-hranatavych» Ałvies šeść razoŭ stanaviŭsia čempijonam Ispanii, pieramahaŭ u Lizie čempijonaŭ, vyjhravaŭ Kubak i Supierkubak krainy. Sa zbornaj Brazilii abaronca pa dva razy vyjhravaŭ Kubak Amieryki i Kubak Kanfiederacyi — usiaho ŭ jaho było 43 tytuły.
U žniŭni jaho abahnaŭ pa tytułach Lijaniel Miesi, vyjhraŭšy sa svaim novym kłubam — «Inter Majami» — Kubak amierykanskaj lihi.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary