Kamanda BNR100 ładzić vialikaje anłajn-mierapryjemstva, kab adśviatkavać Dzień Voli razam z rodnymi, siabrami i blizkimi.
Dla hetaha zapłanavanaja tranślacyja na YouTube-kanale «Hodna» — usio pačniecca 25 sakavika a 19:00 pa Minsku. Užo zaraz možna zajści na jutub i pastavić sabie nahadvańnie, kab nie prapuścić.
Anłajn-śviatkavańnie budzie składacca z dvuch błokaŭ: muzyčny i infarmacyjny. Arhanizatary nazvali hurty, jakija buduć vystupać. Heta viadomyja biełaruskija hurty roznych stylaŭ, jakija redka možna ŭbačyć na adnoj scenie:
- J:Mors
- Naviband
- Dlina Volny
- Ddzieciuki
- Nochy
- Volski
Vieści anłajn-mierapryjemstva buduć Liza Vietrava — pradstaŭnica kamandy «Hodna», papularnaja biełaruskaja błohierka, i Dzianis Dudzinski — televiadoŭca i šoŭmien. Razam z haściami dy muzykami jany stvorać dla nas sapraŭdy ŭračysty i śviatočny viečar, dzie kožny i kožnaja zmohuć biaśpiečna pryniać udzieł, zadać pytańni dy pavinšavać sa śviatam.
Arhanizatary zaklikajuć i vas pačać rychtavacca da 25 sakavika. Jak? Ujavicie, što hety dzień — jak Dzień narodzinaŭ našaj Radzimy, Biełarusi, tolki joj, viadoma, nie 100 hadoŭ, a značna bolš. Źbirajcie siabroŭ i blizkich za śviatočnym stałom, sustrakajciesia razam u fajnaj kampanii dy ŭklučajcie efir, jaki dazvolić vam pravieści viečar u kole biełarusaŭ i biełarusak pad pryjemnuju muzyku dy cikavyja razmovy.
Usia asnoŭnaja infarmacyja — pa cheštehu #BNR106 i na sajcie BNR106.info.
Padtrymać zbor na arhanizacyju śviatkavańnia možna tut. Srodki pojduć na arendu techničnaha abstalavańnia, placoŭki, pracu techničnaj kamandy dy arhanizacyju vystupaŭ.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Nijakaha rus.iaz. nie pavinna być u taki dzień!