U Litvie abmiarkoŭvajuć, ci nie ŭnieści paniaćcie «lićvinizm» u Kryminalny kodeks
Mierkavańnie na hety kont premjer-ministarki Litvy apublikavała vydańnie lrt.lt. Žurnalisty pišuć, što Inhryda Šymanicie padzialiłasia im u Siejmie, nie ŭdakładniajučy, ci jaho zadali joj kułuarna, ci heta abmiarkoŭvałasia na pasiedžańni.
Premjer-ministarka Litvy Inhryda Šymanite sumniavajecca, što varta ŭklučać u Kryminalny kodeks paniaćcie lićvinizmu.
«Ja nie viedaju, ci varta dadavać u Kryminalny kodeks słova «lićvinizm», tamu što mnie zdajecca, u nas tady budzie doŭhaja dyskusija ab tym, što jano nasamreč aznačaje. Naš Kryminalny kodeks nie pavinien źmiaščać takich raspłyvistych paniaćciaŭ», — zajaviła premjer -ministr žurnalistam u Siejmie ŭ čaćvier.
Jana zakranuła hetuju temu paśla paviedamleńniaŭ raźviedsłužbaŭ, što palityki i hramadskija dziejačy ŭ apošni čas pačali atrymlivać šmat elektronnych listoŭ z pahrozami ad hrup, jakija prapahandujuć ideałohiju lićvinizmu i nibyta dziejničajuć u Litvie.
Adnak Departamient dziaržaŭnaj biaśpieki (DDB) Litvy padkreśliŭ, što ŭ Litvie niama pahrozy arhanizavanym hrupam, jakija prapahandujuć lićvinizm. Na dumku DDB, padobnyja listy źviazanyja ź psichołaha-infarmacyjnymi apieracyjami varožych dziaržaŭ i majuć na mecie dyskredytavać biełaruskuju demakratyčnuju apazicyju.
U apublikavanaj DDB u pačatku sakavika spravazdačy było paznačana, što supracoŭniki biełaruskaj raźviedki sprabavali vierbavać pradstaŭnikoŭ biełaruskaj dyjaspary ŭ Litvie. Siarod jaje pradstaŭnikoŭ jość i asoby, jakija prapahandujuć radykalnyja palityčnyja pohlady.
Premjer Litvy: Rasija pasprabuje zładzić tut chaos
«My nie dazvolim biełaruskamu narodu źniknuć za novaj žaleznaj zasłonaj». Cichanoŭskaja apublikavała sumiesny artykuł z Analenaj Bierbak
Litva spyniła propusk hruzavych mašyn z Kalininhradskaj vobłaści
Polšča i Litva vystupajuć za sinchranizacyju sankcyj adnosna Biełarusi i Rasii
Kamientary
Kali adniać ad biełarusa pieryjad VIELMI, to zastaniecca ruski biez znaka jakaści. I majo litoŭskija siabry z hetym zhodnyja