U Hruzii palicyja ŭžyła ślozatačyvy haz i vadamioty na mitynhu suprać zakona ab zamiežnych ahientach
U Hruzii praciahvajucca pratesty suprać zakona ab zamiežnych ahientach, jaki miascovy parłamient choča pryniać faktyčna pavodle rasijskaha ŭzoru. Palicyja pačała masavyja zatrymańni na płoščy Rustavieli la budynka parłamienta, dzie pratestoŭcy zabłakavali adzin z uvachodaŭ. Supracoŭniki palicyi ŭ Tbilisi ŭžyli ślozatačyvy haz i vadamioty.
«Dla adnaŭleńnia pravasudździa MUS vykarystoŭvała śpiecyjalnyja miery, ustanoŭlenyja zakonam. Demanstranty vierbalna i fizična supraćstajali pravaachoŭnym orhanam. Jašče raz zaklikajem palityčnych lidaraŭ, arhanizataraŭ i ŭdzielnikaŭ mitynhu nie parušać normy, ustanoŭlenyja zakonam ab schodach», — paviedamlaje MUS Hruzii.
Jak adznačaje vydańnie NewsGeorgia, bolš za 20 čałaviek źviarnulisia da lekaraŭ chutkaj dapamohi. Paciarpiełyja skardziacca na reź u vačach i ŭdušša.
U Hruzii ŭžo niekalki razoŭ uspychvali masavyja pratesty suprać novaha zakona ab «zamiežnych ahientach». Zakonaprajekt abaviazvaje niaŭradavyja arhanizacyi i ŚMI, jakija atrymlivajuć bolš za 20% finansavańnia z-za miažy, rehistravacca ŭ jakaści «ahientaŭ zamiežnaha ŭpłyvu».
Upieršyniu inicyjatyvu ŭnieśli ŭ parłamient viasnoj 2023 hoda, adnak zatym adklikali praz masavyja pratesty. U novaj viersii nie źmianiłasia ničoha, akramia farmuloŭki: zamiest «ahienta zamiežnaha ŭpłyvu «ŭ dakumiencie vykarystoŭvajecca termin »arhanizacyja, jakaja pravodzić intaresy zamiežnaj siły».
Praciŭniki zakonaprajekta paraŭnoŭvajuć jaho z anałahičnym rasijskim zakonam ab «zamiežnych ahientach», jaki Kreml vykarystoŭvaje dla padaŭleńnia inšadumstva i pieraśledu niezaležnych NKA i ŚMI.
Prezidentka Hruzii paabiacała nakłaści vieta na zakon «ab zamiežnych ahientach»
U Tbilisi pratestujuć suprać zakona pra inšaahientaŭ
U hruzinskim parłamiencie padčas razhladu zakonaprajekta ab zamiežnych ahientach zdaryłasia žyvaja bojka VIDEA
U Tbilisi pačalisia akcyi pratestu na fonie razhladu zakona ab «zamiežnych ahientach»
Ciapier čytajuć
Siarhiej Cichanoŭski pierabraŭsia žyć u Łos-Andželes45
Kamientary