«Adkažuć pa zakonie». Ułady Hruzii pačali farmavać śpis pratestoŭcaŭ suprać zakona ab zamiežnych ahientach
U Hruzii sfarmujuć śpis pratestoŭcaŭ suprać zakona ab zamiežnych ahientach. Pra heta zajaviŭ śpikier parłamienta Šałva Papuašvili. U bazu trapiać asoby, «datyčnyja da hvałtu, pahroz i šantažu», a taksama tyja, chto «publična ŭchvalaŭ takija dziejańni», piša «Novaja hazieta Jevropa».
Bazu apublikujuć na śpiecyjalnym sajcie, jana budzie dastupnaja dla ŭsich. U dačynieńni da asob, jakija trapiać u śpisy, «buduć pryniatyja ŭsie miery ŭ ramkach Kanstytucyi i zakonaŭ», zajaviŭ Papuašvili.
Pavodle jaho słoŭ, apazicyjnaja partyja «Nacyjanalny ruch» «akazvała cisk na spartsmienaŭ i dziejačaŭ kultury, kab tyja zrabili zajavy, nieabchodnyja dla vystupoŭcaŭ suprać kiroŭnaj partyi».
«Za apošnija tydni hramadstva stała śviedkam žorstkaha šturmu budynka parłamienta, napadaŭ na supracoŭnikaŭ pravaachoŭnych orhanaŭ, niezakonnych abmiežavańniaŭ pieramiaščeńnia hramadzian, fizičnaha i słoŭnaha hvałtu ŭ dačynieńni da niezadavolenych [dziejańniami apazicyi] hramadzian. Usio heta vychodziła za ramki kultury mirnaha pratestu», — ličyć śpikier parłamienta.
Masavyja pratesty suprać zakona ab zamiežnych ahientach, jaki nazyvajuć «rasijskim», adnavilisia ŭ siaredzinie krasavika. Parłamient pryniaŭ zakon u druhim čytańni, što spravakavała ŭzmacnieńnie pratestaŭ. Mitynhi žorstka razhaniajucca palicyjaj i śpiecnazam.
Kiroŭnaja partyja «Hruzinskaja mara» zajaviła, što nie maje namieru adstupać i źbirajecca kančatkova pryniać zakon.
U Hruzii špitalizavali 8 pratestoŭcaŭ suprać zakona ab inšahientach
Parłamient Hruzii pryniaŭ zakonaprajekt ab «zamiežnych ahientach» u druhim čytańni, pratesty praciahvajucca
U Hruzii palicyja ŭžyła ślozatačyvy haz i vadamioty na mitynhu suprać zakona ab zamiežnych ahientach
Jeŭrapoł zatrymaŭ hrupu hruzinaŭ, jakija krali knihi ruskich piśmieńnikaŭ ź jeŭrapiejskich biblijatek
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu45
Kamientary