Litva źbirajecca nie tolki całkam zabiaśpiečyć siabie elektryčnaściu, ale i stać bujnym eksparcioram elektraenierhii
U sieradu ŭrad Litvy razhledzić Nacyjanalnuju stratehiju enierhietyčnaj niezaležnaści da 2050 hoda. U dakumiencie ŭkazana, jak Litva moža da hetaha pieryjadu vyrablać usiu nieabchodnuju elektraenierhiju, ekspartavać jaje, a taksama pavialičyć mahutnaści pa vytvorčaści adnaŭlalnych krynic enierhii i pieratvaryć halinu ŭ pryjaznuju dla navakolnaha asiarodździa.
«U 2050 hodzie Litva nie tolki budzie vyrablać usiu nieabchodnuju dla svaich patreb elektraenierhiju, ale i stanie jaje bujnym eksparcioram u rehijonie», — havorycca ŭ stratehii. Pry hetym u Centralnaj Jeŭropie i Niamieččynie na toj momant prahnazujecca značny deficyt enierhii, piša LRT.
Pa słovach ministra enierhietyki Dajniusa Krejvisa, stratehija taksama praduhledžvaje toje, jak Litva pavinna admovicca ad vykapniovaha paliva.
«Pa-pieršaje, nam nieabchodna značna pašyryć našyja mahutnaści pa vytvorčaści elektraenierhii. (…) Ustanavić šmat bierahavych vietraenierhietyčnych ustanovak. Nam treba praciahvać pašyrać soniečnyja mahutnaści, pabudavać vadarodnyja mahutnaści, pašyrać Kruonis (Kruoniskuju hidraakumulujučuju elektrastancyju) i h. d.», — zajaviŭ radyjostancyi LRT Krejvis.
Prahnazujecca, što ŭ 2030-ch hadach 55% elektraenierhii, jakaja vypracoŭvajecca ŭ krainie, budzie vyrablacca tolki za košt adnaŭlalnych resursaŭ, u 2040-ch — 85%, a ŭ 2050-ch — 95%.
Stratehija taksama praduhledžvaje mahčymaść raźvićcia ŭ krainie jadziernych reaktaraŭ małoj mahutnaści paśla 2030 hoda.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?78
Kamientary