Літва збіраецца не толькі цалкам забяспечыць сябе электрычнасцю, але і стаць буйным экспарцёрам электраэнергіі
У сераду ўрад Літвы разгледзіць Нацыянальную стратэгію энергетычнай незалежнасці да 2050 года. У дакуменце ўказана, як Літва можа да гэтага перыяду вырабляць усю неабходную электраэнергію, экспартаваць яе, а таксама павялічыць магутнасці па вытворчасці аднаўляльных крыніц энергіі і ператварыць галіну ў прыязную для навакольнага асяроддзя.
«У 2050 годзе Літва не толькі будзе вырабляць усю неабходную для сваіх патрэб электраэнергію, але і стане яе буйным экспарцёрам у рэгіёне», — гаворыцца ў стратэгіі. Пры гэтым у Цэнтральнай Еўропе і Нямеччыне на той момант прагназуецца значны дэфіцыт энергіі, піша LRT.
Па словах міністра энергетыкі Дайнюса Крэйвіса, стратэгія таксама прадугледжвае тое, як Літва павінна адмовіцца ад выкапнёвага паліва.
«Па-першае, нам неабходна значна пашырыць нашыя магутнасці па вытворчасці электраэнергіі. (…) Устанавіць шмат берагавых ветраэнергетычных установак. Нам трэба працягваць пашыраць сонечныя магутнасці, пабудаваць вадародныя магутнасці, пашыраць Круоніс (Круоніскую гідраакумулюючую электрастанцыю) і г. д.», — заявіў радыёстанцыі LRT Крэйвіс.
Прагназуецца, што ў 2030-х гадах 55% электраэнергіі, якая выпрацоўваецца ў краіне, будзе вырабляцца толькі за кошт аднаўляльных рэсурсаў, у 2040-х — 85%, а ў 2050-х — 95%.
Стратэгія таксама прадугледжвае магчымасць развіцця ў краіне ядзерных рэактараў малой магутнасці пасля 2030 года.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла3
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4040
Каментары