Sudździa-pierabiežčyk Šmit tak nachvalvaŭ Łukašenku, što načysta zabyŭsia pra chranałohiju padziej
Byłoha polskaha sudździu Tomaša Šmita, jaki miesiac tamu pierabieh u Biełaruś i zaprasiŭ tut palityčny prytułak, adrazu ž uklučyli ŭ sistemu režymnaj prapahandy. Ciapier jon jeździć pa Biełarusi i na ŭsie łady raschvalvaje «novuju radzimu» i kiraŭnika miascovaha režymu. Pry hetym nichto nie dbaje, kab toje, što jon kaža na kamieru, adpaviadała choć by nie interpretacyjna, a faktałahična.
Skrynšot ź videa
Tak, 6 červienia Tomaš Šmit vykłaŭ u sacsietkach prapahandysckaje videa, źniataje kala katalickaha chrama śviatoha Stanisłava i Ŭniebaŭziaćcia Najśviaciejšaj Panny Maryi ŭ Mahilovie. Ale ŭ svaim apoviedzie pra historyju kaścioła jon raspaŭsiudziŭ fejk, zaŭvažyŭ Kalolik.life.
Šmit u svaim videa ahučyŭ taki tekst:
«My znachodzimsia ŭ Mahilovie, niedaloka ad rasijskaj miažy. Pryhožy rymska-katalicki kaścioł u styli baroka. Adrestaŭravany pa rašeńni prezidenta Alaksandra Łukašenki. Raniej tut była biblijateka, pa rašeńni prezidenta kaścioł byŭ viernuty rymska-katalickaj kanfiesii. Choć katalikoŭ tut niašmat. Pryvitańnie z Mahilova».
Adnak ža samy prosty faktčekinh pa adkrytych krynicach praz Google śviedčyć, što zabrany savieckaj uładaj chram, nasupierak śćviardžeńniam polskaha hramadzianina, byŭ viernuty viernikam u 1990 hodzie, kali ŭłada ŭ Biełarusi naležała Viarchoŭnamu Savietu BSSR, a Łukašenka z taho ž 1990 hoda byŭ tolki adnym z troch ź liškam sotniaŭ jahonych deputataŭ.
Restaŭracyja zaniadbanaj śviatyni zaviaršyłasia da 1994 hoda, to-bok jašče da pieršych prezidenckich vybaraŭ u Biełarusi, i pravodziłasia namahańniami viernikaŭ pry dapamozie zamiežnych sponsaraŭ, biez padtrymki dziaržavy.
Taksama były sudździa zmaŭčaŭ pra toje, što budynak chrama byŭ pieradadzieny parafii tolki ŭ karystańnie i pa-raniejšamu zastajecca va ŭłasnaści dziaržavy. Miascovyja vierniki i siońnia nie pakidajuć sprob viarnuć kaścioł va ŭłasnaść parafii, ale pakul biezvynikova.
Zatknie za pojas Kačanavu — jak polski pierabiežčyk Šmit chvalić Łukašenku
Interpał admoviŭsia vydać ordar na aryšt polskaha sudździ Šmita
U Šmita jość «tajemnaja dziaŭčyna», jakaja mahła być jaho kantaktam z KDB
Źbiehły sudździa Šmit choča atrymać biełaruskaje hramadzianstva. Ale maje adnu ŭmovu
Sudździa Šmit pryjšoŭ z prapahandystami i ludźmi ŭ cyvilnym u polskuju ambasadu i pieraśledavaŭ dypłamata
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Pad hadoŭlu tłustaha rybca i asobnaja štučnaja ekasystema, heta nie papiaredni ladaščy kvoły žabiec-niazdara, i los ŭ ich ROZNY