Padčas zaniatkaŭ u viciebskaj spartškole mocna paciarpieŭ chłopčyk-futbalist
Pra toje, što padčas zaniatkaŭ u viciebskaj śpiecyjalizavanaj dziciača-junackaj škole alimpijskaha reziervu «Kamsamolec» paciarpieŭ školnik, paviedamiła Ministerstva achovy zdaroŭja.
Nijakich padrabiaznaściaŭ incydentu pres-słužba viedamstva nie pryvodzić, ale vynikaje, što situacyja vielmi surjoznaja, bo ŭ Viciebsku z hetaj nahody sklikali respublikanski kansilium z udziełam viadučych niejrachururhaŭ, śpiecyjalistaŭ kafiedraŭ nieŭrałohii i niejrachirurhii, aniestezijałohii i reanimacyi. Na kansiliumie razhladajecca pytańnie ab prymianieńni roznych sučasnych mietodyk lačeńnia chłopčyka.
Paviedamlajecca, što dzicia ekstranna špitalizavana bryhadaj chutkaj miedycynskaj dapamohi ŭ Viciebskuju abłasnuju kliničnuju balnicu.
Chłopčyk znachodzicca ŭ adździaleńni reanimacyi, jahony stan ciažki. Jamu pravodzicca miedykamientoznaje lačeńnie z nahody ciažkaj čerapna-mazhavoj traŭmy, udaru hałaŭnoha mozhu, pierałomu asnovy čerapa, udaru hrudnoj kletki.
Ź Minska na dapamohu miascovym daktaram vyklikanyja dziciačy reanimatołah Instytuta pavyšeńnia kvalifikacyi i pierapadrychtoŭki kadraŭ achovy zdaroŭja BDMU Uładzimir Vołkaŭ i dziciačy niejrachirurh z RNPC nieŭrałohii i niejrachirurhii Kievin Fiernanda Vieniehas.
U svaju čarhu, Minsportu paviedamlaje:
«Abstaviny traŭmavańnia spartsmiena-navučenca adździaleńnia futboła vučebna-spartyŭnaj ustanovy «Śpiecyjalizavanaja dziciača-junackaja škoła alimpijskaha reziervu «Kamsamolec» h.Viciebska» padčas zaniatkaŭ u pavietraapornym maniežy… vyśviatlajucca».
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud29
Kamientary