Novy ŭrad Tajłanda ŭznačaliła dačka adnaho eks-premjera krainy i plamieńnica dvaich inšych
Aproč taho, jana druhaja žančyna ŭ historyi — premjer krainy.
Novym, 31-m pa liku premjer-ministram Tajłanda abranaja lidarka partyi «Pchya Tchai», 37-hadovaja Pchietchanhtchan Čynavat — dačka viadomaha ŭ krainie palityka, jaki ŭ minułym užo zajmaŭ hetuju pasadu sam, piša Bi-bi-si.
Baćka novaśpiečanaha premjera, Taksin Čynavat, uznačalvaŭ urad Tajłanda z 2001 pa 2006 hh., jaho rodnaja siastra Jinhłak (heta značyć ciotka Pchietchanhtchan) — z 2011 pa 2014 hh.
A ŭ pramiežku pamiž imi — vosieńniu 2008-ha — u premjerskim fateli dva ź nievialikim miesiacy pravioŭ Samčaj Vanhsavat — muž inšaj siastry Taksina.
Takim čynam, Pchietchmnhtchan — užo čaćviortaja pradstaŭnica na hetaj pasadzie ŭpłyvovaha ŭ krainie palityčnaha kłana Čynavataŭ za apošnija čverć stahodździa i druhaja žančyna ŭ historyi Tajłanda, jakaja ŭznačaliła ŭrad.
Hałasavańnie za novaha premjera prajšło ŭsiaho praz dva dni paśla taho, jaje papiarednik na hetaj pasadzie, Sietcha Tchavisin, byŭ adchileny ad pasady rašeńniem Kanstytucyjnaha suda krainy.
I ciapierašni, i były premjery — pradstaŭlajuć partyju «Pchya Tchai» jakaja na apošnich usieahulnych vybarach u minułym hodzie zaniała pa kolkaści atrymanych deputackich mandataŭ druhoje miesca, adnak zdoleła sfarmavać kiroŭnuju kaalicyju.
Ciapier novamu premjeru treba budzie adšukać sposab udychnuć novaje žyćcio ŭ kryzisnuju ekanomiku Tajłanda, nie dapuściŭšy pry hetym u krainie čarhovaha vajennaha pieravarotu ci ŭmiašańnia Kanstytucyjnaha suda — pakolki mienavita tak byli skinutyja čatyry papiarednija kabiniety, sfarmavanyja «Pchya tchai».
Pry hetym sama Pchietchanhtchan uvajšła ŭ skład partyi tolki ŭ 2021 hodzie, a ŭžo ŭ kastryčniku 2023 hoda stała jaje aficyjnym lidaram.
Premjer raspaviała žurnalistam, što adrazu ž paśla abrańnia joj patelefanavaŭ pavinšavać baćka, jaki paprasiŭ «zrabić [dla krainy] usio mahčymaje».
Skončyŭšy elitnuju škołu ŭ Tajłandzie, Pchietchanhtchan praciahnuła vučobu, atrymaŭšy dypłom va ŭniviersitecie ŭ Vialikabrytanii, a zatym pracavała ŭ padsiamiejnaj hrupie hatelaŭ Rende, dzie jaje muž zajmaje pasadu namieśnika hienieralnaha dyrektara pa inviestycyjach.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra2
Kamientary