Nieviduščy śpiavak z aŭtamatam u rukach na jubilej Łukašenki pryniaŭ vajskovuju prysiahu
Pres-słužba Ministerstva abarony 30 žniŭnia raskazała i pakazała, jak Pieramožca šou «Faktor.by», uładalnik Hran-pry Nacyjanalnaha konkursu maładych vykanaŭcaŭ biełaruskaj estradnaj pieśni i stypiendyjat śpiecyjalnaha fondu Łukašenki pa padtrymcy talenavitaj moładzi Daniił Savienia prymaje vajskovuju prysiahu.
Prapahandysty ź Minabarony padkreślivajuć, što słužyć u vojsku — mara dziacinstva nieviduščaha śpievaka, i dziela jaje ździajśnieńnia jamu «chapiła śmiełaści napisać pra zapavietnaje hałoŭnakamandujučamu Uzbrojenymi siłami», to-bok Łukašenku, jaki akurat siońnia adśviatkavaŭ 70-hadovy jubilej.
Sam śpiavak pra heta raskazaŭ u prynahodnym intervju:
«Słužyć va Uzbrojenych siłach Biełarusi ja maryŭ z samaha dziacinstva. Hetaja fraza nie dla pafasu skazanaja.
Kaliści vielmi daŭno mama zapampoŭvała mnie aŭdyjoknihi, i ja słuchaŭ ich. U niejki momant mnie na fłešku spampavali «Apovieść pra sapraŭdnaha čałavieka». I ŭva mnie zaradziłasia žadańnie pasłužyć svajoj krainie. […]
Kali ja paznajomiŭsia z hetaj knihaj, ja pastupova pačaŭ cikavicca temaj Vialikaj Ajčynnaj vajny. I ja ŭsio bolš i bolš umacoŭvaŭsia ŭ dumcy, što mnie treba, ja chaču, ja pavinien apynucca ŭ vojsku.
I voś, sabraŭšysia z ducham, ja napisaŭ list hałoŭnakamandujučamu, našamu prezidentu, pra toje, što chaču, mahu i vielmi prašu dazvolić mnie słužyć va Uzbrojenych siłach. Hałoŭnakamandujučy ŭchvaliŭ hetuju inicyjatyvu, i ciapier ja siadžu pierad vami ŭ vajskovaj formie».
Ciapier Daniił Savienia, jak paviedamlajecca, budzie śpiavać u składzie Akademičnaha ansambla pieśni i tanca Uzbrojenych siłaŭ Respubliki Biełaruś.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary