Žury pastanaviła naminavać da Uznaharody imia Ježy Hiedrojca za 2009 hod dvanaccać asobaŭ.
Uładzimira Bajdava – za papularyzacyju i novuju interpretacyju polskaj staradaŭniaj, kłasičnaj i sučasnaj muzyki, a taksama prafiesijanalnuju prezientacyju polskaj muzyki biełaruskim słuchačam.
Valeryja Bułhakava – za navukovuju, publicystyčnuju i vydavieckuju dziejnaść, pryśviečanuju historyi Centralnaj Jeŭropy, a taksama prablemam raźvićcia nacyjanalnych supolnaściej paśla raspadu savieckaj impieryi.
Juryja Vasiljeva – za papularyzacyju sučasnaha polskaha mastactva fatahrafii, padtrymku i pašyreńnie kantaktaŭ pamiž polskimi i biełaruskimi fatohrafami.
Śviatłanu Niemahaj i Viktara Skarabahatava – za viartańnie pamiaci pra Stanisłava Maniušku i, ŭ pryvatnaści za padrychtoŭku i realizacyju pastanoŭki opiery «Ščaślivaja Łatareja ŭ Minsku Hubiernskim» Stanisłava Maniuški.
Vieru Savinu i Alaksandra Niłava – za chvalujučuju kinaapovieść pra Česłava Niemena «Hety dziŭny śviet».
Mikałaja Pinihina – za teatralnyja insceniroŭki, jakija zakranajuć prablemu nacyjanalnaj prynaležnaści i histaryčnaha dyjałoha kultur.
Anatola Trafimčyka – za histaryčnuju publicystyku, jakaja charaktayzujecca abjektyŭnym i dobrasumlennym padychodam da padziej druhoj suśvietnaj vajny.
Alaksandra Fiadutu - za navukovuju, publicystyčnuju i vydavieckuju dziejnaść, jakaja napaminaje sučaśnikam pra važnaść našaj ahulnaj, polska-biełaruskaj historyi.
Andreja Chadanoviča – za stojkija i paśpiachovyja pošuki novych form dyjałoha paetaŭ z abšaraŭ byłoha Vialikaha Kniastva Litoŭskaha.
Andreja Januškieviča – za pošuk novych tem u daśledavańni historyi Rečy Paspalitaj i Vialikaha Kniastva Litoŭskaha, a taksama ŭmieńnie zacikavić imi vydatnych navukoŭcaŭ inšych krain.
Vyłučeńnie kandydataŭ i uznaharodžvańnie pravodzić Polski Instytut u Minsku, staršynioj žury źjaŭlajecca jaho dyrektar Piotr Kazakievič.
Abviaščeńnie łaŭreata Uznaharody Ježy Hiedrojca, vyłučanaha siarod naminavanych, adbudziecca 31 sakavika 2010 hoda.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary