Ajśbierh, bolšy za Luksiemburh, moža vyklikać pachaładańnie ŭ Jeŭropie
Hłyba adkałołasia ad Antarktydy i płavaje ŭ toj častcy akijanu, dzie ŭtvarajucca hłybinnyja płyni chałodnaj vady.
Ad Antarktydy adkałoŭsia ajśbierh płoščaj z hiercahstva Luksiemburh. Navukoŭcy kažuć, što hetaja padzieja moža vyklikać pachaładańnie ŭ Jeŭropie ŭ bližejšyja hady.
U pačatku lutaha «častku siabie» straciŭ ledavik Mierc, jaki prymykaŭ da ŭźbiarežža Antarktydy, niby paŭvostraŭ, a na karcie vyhladaŭ jak «jazyk» — kasa lodu praciahłaściu ŭ 160 km na poŭdzień ad Mielburna.
Paspryjaŭ hetamu ladnik B9B, jaki jašče ŭ 1987 hodzie adkałoŭsia ad macieryka i drejfavaŭ pablizu ŭźbiarežža. Jon udaryŭ pa ledaviku Mierc, i «raschistanaja» častka vypraviłasia ŭ svabodnaje płavańnie ŭ bok Aŭstralii.
Ajśbierh maje płošču kala 2500 kv. km, što supastaŭna z płoščaj adnoj z najmienšych jeŭrapiejskich dziaržavaŭ — hiercahstva Luksiemburh i trochi bolš za Minski rajon.
U paraŭnańni z płoščaj Suśvietnaha akijanu hety «ladziak», viadoma, «kropla ŭ mory». Ale, ź inšaha boku, hetaja machina vialikaha abjomu peŭnaj tempieratury, jakaja ŭpłyvaje na cyrkulacyju vady ŭ akijanie. Ciačeńnie akijanskich vodaŭ, što skłałasia ciaham stahodździaŭ, praz hety ajśbierh moža być parušana. Hłyba znachodzicca jakraz u toj častcy akijanu, dzie ŭtvarajucca hłybinnyja płyni chałodnaj vady. Upłyŭ na praces ich utvareńnia vykliča źmieny cyrkulacyi ciapła va ŭsim akijanie i, jak kažuć navukoŭcy, budzie ŭpłyvać na klimat Ziamli niekalki dziesiacihodździaŭ.
U pryvatnaści, praz hety ajśbierh u Jeŭropie mohuć być chaładniejšyja zimy.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha29
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu129129
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu129
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary