Staličny indyvidualny pradprymalnik pad markaj rašeńnia pytańnia ab atrymańni ziamli ŭ Minskim rajonie sabraŭ ź minčan bolš za 300 tys. dalaraŭ.
Supracoŭnikami adździeła pa baraćbie z ekanamičnymi złačynstvami Partyzanskaha RUUS Minska za padbuchtorvańnie da dačy chabaru ŭ bujnym pamiery zatrymany staličny indyvidualny pradprymalnik, raniej sudzimy za machlarstva.
Jak paviedamiła opierupaŭnavažany pa asabliva važnych spravach hałoŭnaha ŭpraŭleńnia pa baraćbie z ekanamičnymi złačynstvami MUS Vieranika Paśmiećjeva, padazrony nieadnarazova padbuchtorvaŭ žycharoŭ Minska da dačy chabaru
nibyta słužbovym asobam sielskich savietaŭ Minskaha rajona za spryjalnaje rašeńnie pytańnia ab pastanoŭcy ich na čarhu hramadzian, jakija majuć patrebu ŭ palapšeńni žyllovych umoŭ i niečarhovym vydzialeńni ziamielnych učastkaŭ pad budaŭnictva damoŭ.
Prakuraturaj Minska ŭ dačynieńni da pradprymalnika raspačata kryminalnaja sprava za padbuchtorvańnie da dačy chabaru ŭ bujnym pamiery (č. 5 art. 16, č. 2 art. 431 Kryminalnaha kodeksa). Jon źmieščany pad vartu ŭ izalatar časovaha ŭtrymańnia. pa kryminalnaj spravie ŭžo ustanoŭlena 30 paciarpiełych, a ahulnaja suma niezakonnych hrašovych uznaharodžańniaŭ skłała bolš za 300 tys. dalaraŭ.
Ciapier čytajuć
Staŭ viadomy prysud eks-pamočniku Łukašenki Iharu Bryło3
Kamientary