Što vam bolš za ŭsio padabajecca na sajcie «Našaj Nivy», a čaho nie chapaje? Raskažycie!
Nam cikavaje kožnaje mierkavańnie.
Skančajecca 2024 hod, siońnia jaho apošni dzień. Uvieś hety čas kamanda «Našaj Nivy» była pobač z vami. My šukali dla vas samyja važnyja naviny, raskazvali samyja cikavyja historyi, tłumačyli, što adbyvajecca ŭ Biełarusi i ŭ śviecie. Štości ŭ nas atrymlivałasia lepš, štości horš. Ale paviercie, my sapraŭdy staralisia — pracavać jak maha apieratyŭniej, trymać bałans pamiž surjoznym i zabaŭlalnym, pry mahčymaści adukoŭvać. I kaniečnie, pašyrać biełaruščynu — nasupierak žadańniam vorahaŭ, jakija marać, kab Biełarusi nie isnavała.
Luboje miedyja pracuje dla svaich čytačoŭ i hledačoŭ. Kali niechta piša ŭ sacsietkach ci kaža nam užyvuju, što pačynaje i skančaje svoj dzień z «Našaj Nivy», to dla nas heta najlepšaja ŭznaharoda. Značyć, usio heta nie darma.
My ŭvažliva vyvučajem statystyku, kab razumieć, što cikavić aŭdytoryju. Ale za suchimi ličbami moža chavacca štości nievidavočnaje, ale vartaje ŭvahi. My chočam niaspynna palapšacca i hatovyja vysłuchoŭvać zaŭvahi i prapanovy.
Napišycie ŭ kamientarach — što vam bolš za ŭsio padabajecca na sajcie «Našaj Nivy», a čaho nie chapaje.
My paprosim maderataraŭ siońnia dazvalać troški bolš volnaści, čym zvyčajna. Krytyka dapuščalnaja, ale kali łaska, abydziciesia biez abrazaŭ u luby bok.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami1
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary
Nie padabajucca pustyja biazhłuzdyja naviny, peŭnaja žaŭcizna (jełka z mandarynaŭ, nieviadomy kłub maksłajn źmianiŭ nazvu) - čytaješ i prosta zakryvaješ, i ni chočacca da vas viartacca potym tydniami.