Biełarus, jaki zładziŭ deboš u Tajłandzie, paprasiŭ prabačeńnia ŭ palicyi
Adpačynak 39-hadovaha biełarusa na tajłandskim vostravie Pchukiet zaciahnuŭsia praź incydent, jaki adbyŭsia ŭ śniežni. Mužčyna tady zładziŭ pjany deboš, ustupiŭ u kanflikt ź miascovymi palicejskimi i akazaŭ im supraciŭ pry zatrymańni. Ciapier hetaja historyja atrymała praciah, piša «Anłajnier».
7 studzienia biełarus źjaviŭsia ŭ palicejski ŭčastak, paprasiŭ prabačeńnia pierad jaho supracoŭnikami, prynios simvaličnyja padarunki i zajaviŭ pra hatoŭnaść pryniać luboje pakarańnie, pryznačanaje sudom.
Mužčynu vystavili abvinavačvańni pa troch artykułach:
- parušeńnie hramadskaha paradku ŭ stanie apjanieńnia;
- supraciŭ palicyi pry vykanańni joj svaich abaviazkaŭ;
- pryčynieńnie škody majomaści.
Biełarus zapeŭniŭ, što lubić Pchukiet i hatovy vykanać hramadskija raboty, kali sud prymie takoje rašeńnie. Jon taksama paabiacaŭ, što nadalej padobnyja pavodziny ź jahonaha boku nie paŭtoracca, choć jon płanuje viartacca na vostraŭ adpačyvać.
Tajłandskaje zakanadaŭstva praduhledžvaje za dziejańni mužčyny pakarańnie ŭ vyhladzie štrafu da piaci tysiač dalaraŭ i/abo turemnaha źniavoleńnia terminam ad dvuch hadoŭ da pažyćciovaha ŭ zaležnaści ad ciažaru traŭmaŭ, atrymanych supracoŭnikami palicyi.
Mužčyna ździejśniŭ pravaparušeńnie, budučy ŭ stanie ałkaholnaha apjanieńnia. Deboš jon zładziŭ u hateli na tajłandskim turystyčnym vostravie Pchukiet. Jon napaŭ na palicejskich, jakija prybyli pa vykliku. Debašyra zatrymali i dastavili ŭ palicejski ŭčastak.
Jak vyśvietliła paśla vydańnie BGmedia, mužčynu zvali Siarhiej Asijčuk, jon z Bresta.
Raniej jon byŭ trenieram i kapitanam amatarskaj futbolnaj kamandy «Jeŭraekspart» z Kobrynskaha rajona. Sam mužčyna prafiesijna futbołam nie zajmaŭsia, jon majstar sportu pa armrestlinhu i kandydat u majstry pa paŭerlifcinhu.
Asijčuk taksama hulec amatarskaj kamandy «Farmat», pa sutnaści jaje ŭładalnik i sponsar.
Mužčyna, mierkavana, kiruje kampanijaj «Jeŭraekspart». Kampanija zajmajecca ekspartam i impartam zbožžavych i alejnych kultur i praduktaŭ ich pierapracoŭki, a taksama pieravozkami, łahistykaj.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary