Napiaredadni Novaha hoda va ŭzroście 50 hadoŭ pamior były supracoŭnik Słužby biaśpieki Łukašenki (v/č 01549), vieteran śpiecnaza MUS Kanstancin Ciušeŭski, daviedaŭsia Mayday.team.
Jak paviedamlajecca, Kanstancin Ciušeŭski naradziŭsia ŭ stalicy Tadžykistana Dušanbe, kudy jahonaja siamja raniej pierajechała ź litoŭskaha Koŭna.
Paśla jon skončyŭ Akademiju MUS u Minsku, paźniej centr śpiecpadrychtoŭki, a apošni čas byŭ viadomy jak trenier pa kulavoj stralbie zbornaj kamandy Strałkovaha sajuza Rasii.
Karotkaje paviedamleńnie pra jahonuju śmierć raźmiaścili na sajcie Biełaruskaj asacyjacyi vieteranaŭ padraździaleńniaŭ śpiecyjalnaha pryznačeńnia Unutranych vojskaŭ MUS «Čiesť», jakoj kiruje kolišni stvaralnik «eskadronaŭ śmierci» Dźmitryj Paŭličenka.
Za apošnija dva hady, adznačaje Mayday.team, heta nie pieršaja raptoŭnaja śmierć eks-śpiecnazaŭca. Tak, raniej va ŭzroście 59 hadoŭ pamior Mikałaj Kašyraŭ, adzin z zasnavalnikaŭ i namieśnik kamandzira pa bajavoj padrychtoŭcy atrada Śpiecyjalnaha atrada chutkaha reahavańnia (SACHR).
Taksama na 55-m hodzie žyćcia pamior adzin ź pieršych «krapavych bieretaŭ», instruktar pa rukapašnym bai v/č 3214, padpałkoŭnik zapasu Andrej Žukoŭski, jaki paśla rasfarmiravańnia vilenskaj 42-j kanvojnaj dyvizii MUS SSSR zrabiŭ karjeru ŭ Biełarusi, a da 2020 hoda vykładaŭ u Akademii MUS.
U 49 hadoŭ taksama pamior padpałkoŭnik zapasu śpiecpadraździaleńnia «Ałmaz» Ivan Bialaśnikaŭ, jaki ŭ 2004 hodzie byŭ uznaharodžany miedalom «Za advahu».
A ŭ červieni minułaha hoda ŭ Rasii zahinuŭ ad vybuchu hranaty były śpiecnazaviec z Mahilova Juryj Michajłaŭ. Jamu było ŭsiaho 47 hadoŭ, u 1995-1996 hadach jon prachodziŭ terminovuju słužbu ŭ 1-j rocie śpiecpryznačeńnia v/č 3214 (Uručča) u zvańni staršyny.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary