Materyjał dla lepšaha zachavańnia enierhii znajšli ŭ niečakanym miescy
Navukoŭcy z Hiermanii znajšli davoli niestandartny i ekałahičny sposab dla pavieličeńnia daŭhaviečnaści akumulataraŭ.
Lityj-ionnyja batarei siońnia źjaŭlajucca najbolš raspaŭsiudžanymi vidami akumulataraŭ na suśvietnym rynku. Adnak lityj i kobalt, što vykarystoŭvajucca ŭ hetych batarejach, darahija, a ich zdabyča škodzić navakolnamu asiarodździu i časta supravadžajecca parušeńniem pravoŭ rabočych, ekspłuatacyjaj dziciačaj pracy i vajennymi kanfliktami. Ale jość alternatyva — natryjeva-siernyja batarei, jakija, naadvarot, značna tańniejšyja, bolš dastupnyja i ekałahičnyja.
Hałoŭny minus natryjeva-siernych batarej — ich mienšaja jomistaść i chutkaja samaźniščalnaść. Čaścinki siery, jakija pavinny zastavacca na adnym baku takich batarej (katodzie), chaatyčna mihrujuć na druhi bok (anod), što pryvodzić da straty siery i paharšaje pracu batarei.
Kamanda daśledčykaŭ ź Instytuta kałoidaŭ i interfiejsaŭ Maksa Płanka (Hiermanija) zmahła prybrać hety niedachop, raspracavaŭšy śpiecyjalny nanamateryjał dla natryjeva-siernych batarej na asnovie linałaołu — klučavoha kampanientu łavandavaha aleju.
Linałaoł zmoh całkam spynić praces chaatyčnaj mihracyi čaścinak siery, vyśvietlili niamieckija navukoŭcy.
Vyniki daśledavańnia pakazali, što natryjeva-siernyja akumulatary, zasnavanyja na novym materyjale, zachoŭvajuć bolš za 80% pieršapačatkovaj jomistaści paśla 1500 cykłaŭ zaradki i razradki (u zvyčajnych lityj-ionnych batarej źnižeńnie jomistaści da 80% adbyvajecca ŭžo paśla 300—500 takich cykłaŭ).
Navukoŭcy ŭpeŭnienyja, što heta adkryćcio moža pryciahnuć uvahu enierhietyčnych kampanij i paskoryć pierachod da bolšaha vykarystańnia natryjeva-siernych batarej. Heta śviedčyć pra toje, što rašeńni dla enierhietyčnaha pierachodu mohuć być znojdzienyja tam, dzie ich najmienš čakaješ — navat u zvyčajnaj łavandzie.
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać33
Kamientary