Takoje rašeńnie Ministerstva zamiežnych spraŭ Małdovy pryniało 13 lutaha paśla incydentu z parušeńniem pavietranaj prastory Małdovy i padzieńniem dronaŭ, piša newsmaker.md.
«U adkaz na hetyja pravakacyi Ministerstva zamiežnych spraŭ pryniało rašeńnie ab adnabakovym spynieńni dziejańnia mižuradavaj małdaŭska-rasijskaj Pahadnieńni ab stvareńni i funkcyjanavańni kulturnych centraŭ, padpisanaj u 1998 hodzie. Paśla zaviaršeńnia pracedur Rasijski kulturny centr pavinien spynić svaju dziejnaść u našaj krainie», — zajavili ŭ MZS.
Rasijski centr navuki i kultury pačaŭ pracu ŭ Kišyniovie ŭ lutym 2009 hoda.
Zhodna z sajtam centra, jon zajmaŭsia: prasoŭvańniem ruskaj kultury, adukacyi i navuki, padtrymkaj suajčyńnikaŭ, umacavańniem pazicyj ruskaj movy, zachavańniem histaryčnaj spadčyny, hramadskaj dypłamatyjaj i maładziožnymi abmienami.
Raniej rasijskija kulturnyja centry zakryli ŭ Rumynii i Azierbajdžanie. Ułady Rumynii zajavili, što centr zakryty praz prapahandu i dezinfarmacyju.
U noč na 13 lutaha ŭ vyniku masiravanaj ataki dronaŭ na ŭkrainski port u Reni, pamiežnyja słužby Małdovy zafiksavali niekalki bieśpiłotnikaŭ, jakija pierasiekli terytoryju krainy. Adzin z dronaŭ upaŭ u pole kala vioski Čumaj. Jašče adzin vybuchnuŭ u poli pamiž horadam Čadyr-Łunha i vioskaj Vala-Pieržaj.
Kamientary