Iran pryvioŭ svaju armiju ŭ stan pavyšanaj hatoŭnaści, bajučysia ŭdaru ZŠA
Viarchoŭny lidar Irana ajatała Ali Chamieniei pryvioŭ uzbrojenyja siły Irana ŭ stan pavyšanaj hatoŭnaści, paviedamlaje Reuters sa spasyłkaj na vysokapastaŭlenaha iranskaha čynoŭnika. Heta adbyłosia na fonie taho, što ZŠA patrabavali pravieści pieramovy pa jadziernaj prahramie Irana, a ŭ advarotnym vypadku — pačać bambardziroŭku.
Iran nakiravaŭ paviedamleńnia Iraku, Kuviejtu, Abjadnanym Arabskim Emiratam, Kataru, Turcyi i Bachrejnu ab tym, što lubaja padtrymka napadu ZŠA na Iran, uklučajučy vykarystańnie ich pavietranaj prastory abo terytoryi amierykanskimi vajskoŭcami padčas napadu, budzie razhladacca jak varožy akt.
Aściarohi z nahody bolš maštabnaha rehijanalnaha kanfliktu ŭstryvožyli dziaržavy vakoł Piersidskaha zaliva, jaki miažuje z adnaho boku ź Iranam, a z druhoha — z sajuznymi ZŠA arabskimi manarchijami, na jakija prypadaje značnaja dola suśvietnych pastavak nafty.
Iran sprabuje zaručycca bolšaj padtrymkaj Rasii, ale skieptyčna stavicca da prychilnaści Maskvy, skazaŭ inšy iranski čynoŭnik.
U sakaviku paviedamlałasia, što Tramp nakiravaŭ Chamieniei list, dzie davaŭ dva miesiacy na zaklučeńnie novaj jadziernaj ździełki. Iran ad pramych pieramoŭ admoviŭsia.
Iran doŭhi čas admaŭlaŭ, što choča stvaryć jadziernuju zbroju. Tym nie mienš, jon paskaraje ŭzbahačeńnie ŭranu da 60% čyścini, što blizka da prykładna 90% zbrojevaha ŭzroŭniu, papiaredžvaje ahienctva AAN pa jadziernym nahladzie.
Zachodnija dziaržavy zajaŭlajuć, što niama nieabchodnaści ŭzbahačać uran da takoha vysokaha ŭzroŭniu ŭ ramkach jakoj-niebudź cyvilnaj prahramy i što ni adna inšaja kraina nie rabiła hetaha biez stvareńnia jadziernych bombaŭ.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary
Zaŭziataram Nietańjachu Tel Aviva svaju " nieisnujučuju" jadzbroju Izrail praz usie zabarony atrymał parušył ŭsie damovy ..