Siamja ŭ Ispanii amal čatyry hady nie vychodziła z domu, bajučysia kavidu
U ispanskim horadzie Aŭjeda palicyja vyjaviła nadzvyčajny vypadak chatniaj izalacyi: 53-hadovy niemiec Kryścijan trymaŭ svaju žonku i dvuch niepaŭnaletnich dziaciej, 8 i 10 hadoŭ, zakrytymi ŭ domie amal čatyry hady, apraŭdvajučy heta achovaj ad śvietu paśla kavidu.
Siamja žyła ŭ arandavanym domie ŭ sielskaj miascovaści na ŭskrajku Aŭjedo. Siamja pierajechała tudy ŭ śniežni 2021 hoda, i z taho času dzieci nie naviedvali škołu i nie mieli kantaktu z navakolnym śvietam.
Susiedzi navat nie viedali, što dom zasieleny.
Palicyja pačała rasśledavańnie paśla taho, jak adna z susiedak zaŭvažyła dziaciej u aknie i paviedamiła pra heta ŭładam. Dźviery ŭ dom adčynialisia tolki dla atrymańnia pakietaŭ z praduktami, jakija dastaŭlali kurjery. Heta vyklikała padazreńni, i palicyja atrymała ordar na ahlad doma.
Padčas ahladu 28 krasavika 2025 hoda ŭ domie byli znojdzieny dvoje dziaciej va ŭzroście 8 i 10 hadoŭ, jakija nasili pa try maski i padhuźniki. Maci śćviardžała, što heta «dla prafiłaktyki».
Dzieci byli ŭ stanie zaniadbanaści, znošanaja vopratka i abutak. Jany byli pazbaŭleny kantaktu ź inšymi ludźmi, nie naviedvali škołu i navat nie vychodzili ŭ sad.
Baćki praciahvali žorstkuju izalacyju, navat kali ŭsie karancinnyja miery ŭ Ispanii ŭžo daŭno byli źniaty. Baćka vychodziŭ tolki da varot, zaŭsiody ŭ mascy, kab zabrać ježu i poštu.
Siamja nie była zarehistravana ŭ miascovych uładach: tolki Kryścijan mieŭ aficyjny status u Ispanii, u toj čas jak žonka i dzieci nie mieli nijakich dakumientaŭ.
Dzieci byli pieradadzieny pad apieku sacyjalnych słužbaŭ, a baćki byli aryštavany i čakajuć sudovaha razhladu pa abvinavačvańniach u žorstkim abychodžańni ź dziećmi i niezakonnym utrymańni ich u izalacyi.
Ciapier čytajuć
Siarhiej Cichanoŭski pierabraŭsia žyć u Łos-Andželes74
Kamientary