Režysior Vudzi Alen uziaŭ udzieł u Maskoŭskim tydni kino, dzie zachaplaŭsia Rasijaj i Dastajeŭskim
Viadomy amierykanski režysior Vudzi Alen uziaŭ udzieł u siesii pytańniaŭ i adkazaŭ pa videasuviazi padčas Maskoŭskaha mižnarodnaha tydnia kino, dzie maderataram byŭ Fiodar Bandarčuk, viadomy publičnaj padtrymkaj palityki Uładzimira Pucina. Udzieł 89-hadovaha Alena ŭ hetym mierapryjemstvie vyklikaŭ abureńnie, piša Euronews.
Na sajcie fiestyvalu śćviardžajecca, što mierapryjemstva stvaraje «atmaśfieru davierlivaha dyjałohu», kab słuchačy zmahli zrazumieć unutrany śviet režysiora i daviedacca, jak naradžajucca historyi, jakija zastajucca ŭ kultury na praciahu dziesiacihodździaŭ. Padčas razmovy Alen vykazaŭ zachapleńnie rasijskim kiniematohrafam i adznačyŭ, što štučny intelekt nikoli nie zmoža stvarać tvory, roŭnyja kniham Fiodara Dastajeŭskaha.
Adkazvajučy na pytańnie pra zdymki ŭ Rasii, Alen paviedamiŭ, što pakul nie atrymaŭ prapanoŭ, ale kali jany pastupiać, to jon nie budzie suprać scenaryja, jaki pieradaje «adčuvańnie kamfortu», jaki jon raniej adčuvaŭ u Maskvie.
Ministerstva zamiežnych spraŭ Ukrainy asudziła ŭdzieł Alena, zajaviŭšy, što heta nadaje aŭtarytet «kryvavamu fiestyvalu» i ihnaruje štodzionnyja złačynstvy, jakija Rasija praciahvaje ździajśniać va Ukrainie. Pavodle viedamstva, kultura nikoli nie pavinna vykarystoŭvacca dla apraŭdańnia złačynstvaŭ abo słužyć instrumientam prapahandy.
Udzieł Vudzi Alena taksama vyklikaŭ krytyku šmatlikich karystalnikaŭ internetu.
Maskoŭski mižnarodny tydzień kino pravodzicca z 2024 hoda i ŭ 2025 hodzie prajšoŭ z 23 pa 27 žniŭnia.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?73
Kamientary
Viadomy amerykanski režysier ??? Niechta viedaje jaho " šedeŭry" ..