U MZS raskazali, ź jakimi krainami viaduć pieramovy pra biaźvizavy režym
Ministerstva zamiežnych spraŭ praciahvaje pracu nad pašyreńniem śpisu krain, kudy hramadzianie Biełarusi zmohuć jeździć bieź vizy. Pra heta paviedamiŭ pieršy namieśnik ministra zamiežnych spraŭ Biełarusi Siarhiej Łukaševič padčas pres-kanfierencyi ŭ Nacyjanalnym aeraporcie Minsk, pryśviečanaj adkryćciu pieršaha rejsu avijakampanii «Biełavija» ŭ Vjetnam.
Z 30 studzienia 2025 hoda pamiž Biełaruśsiu i Vjetnamam dziejničaje ŭzajemny biaźvizavy režym: hramadzianie mohuć znachodzicca ŭ krainie bieź vizy da 30 dzion za adnu pajezdku i da 90 dzion na praciahu hoda. Heta i dało stymuł da taho, kab zapuścić pramyja rejsy ź Minska na vjetnamski vostraŭ Fukuok.
Što datyčycca dalejšych płanaŭ, to Łukaševič paviedamiŭ, što MZS pracuje nad ustalavańniem biaźvizavaha režymu i ź inšymi krainami Paŭdniova-Uschodniaj Azii. U lipieni padčas vizitu ministra zamiežnych spraŭ Maksima Ryžankova ŭ Łaos było padpisana mižuradavaje pahadnieńnie ab uzajemnaj admienie viz dla hramadzian, i ciapier čakajecca, kali jano ŭstupić u siłu.
Akramia taho, biełaruski bok viadzie pieramovy z Mjanmaj, Tajłandam, Filipinami i šeraham inšych dziaržaŭ, kab spraścić umovy pajezdak dla hramadzian Biełarusi.
Taksama Siarhiej Łukaševič adznačyŭ, što adkryćcio novych avijamaršrutaŭ stała mahčymym dziakujučy tamu, što «Biełavija» nabyła sučasnyja samaloty Airbus A330-200. Čartarnyja rejsy ŭ Vjetnam buduć vykonvacca prykładna raz na 11 dzion.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary