Baćkam zahinułaj Viery dasłali z Mjanmy dziŭnuju daviedku ab jaje kremacyi
List jany atrymali na birmanskaj movie — u im skazana, što cieła dziaŭčyny kremiravali 16 kastryčnika, piša «Kamsamolskaja praŭda».
Jak pieradaje vydańnie, u daviedcy ab kremacyi akramia daty ŭkazana taksama pryčyna śmierci — sardečny prystup.
U paviedamleńni napisana, što Viera,
«jakaja pracavała ŭ Mjanmie ŭ vioscy Pchłu, pamierła ad sardečnaha prystupu. Cieła było kremiravana ŭ vioscy Inkin 16 kastryčnika ŭ 12:00».
Kali hetaja daviedka, infarmacyju pra jakuju pieradaje «Kamsamolskaja praŭda», praŭdzivaja, dziaŭčyna pamierła nie pa kryminalnych pryčynach, a jaje cieła kremiravali ŭžo paśla publičnaj naviny ab situacyi.
Pra źniknieńnie Viery Kraŭcovaj stała viadoma 15 kastryčnika. Rasijanka, jakaja zmahła vybracca z rabstva, paviedamiła, što Viera prylacieła ŭ Banhkok na pracu, ale apynułasia ŭ skam-centry ŭ Mjanmie. Suviaź ź joj źnikła 4 kastryčnika. Śćviardžałasia, što dziaŭčynu nibyta pradali na orhany.
16 kastryčnika rasijskaje RIEN TV sa spasyłkaj na krynicu paviedamiła, što Viera Kraŭcova znojdziena miortvaj. Pa papiarednich danych resursu, śmierć mieła kryminalny charaktar.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary