«Heta i jość korań usich našych bied». Šunievič uziaŭsia za jehieraŭ — źbirajecca abmiežavać ich paŭnamoctvy i źmianić praviły palavańnia
Biełaruskaje tavarystva palaŭničych i rybałovaŭ (BTPR) praviało źjezd u Minsku, dzie kiraŭnik arhanizacyi Ihar Šunievič zajaviŭ, što nadychodzić čas źmieny pravił palavańnia. Pryčynami stali skarhi, straty i «hurtki» jehieraŭ, piša «Lusterka».
Pavodle słoŭ Šunieviča, siońnia praca ŭsiaho BTPR nie daje čakanaha vyniku. Pryčynu hetaha jon bačyć na nižnim źvianie — u pieršasnych arhanizacyjach i palaŭničych haspadarkach.
Eks-kiraŭnik MUS zajaviŭ, što pa fakcie siońnia BTPR kiruje nie jon, nie abłasnyja praŭleńni i navat nie staršyni rajonnych struktur, a «siaredniestatystyčny jehier».
Jehier vyrašaje: kali ładzić palavańnie, što budzie dla adstrełu, chto pajedzie, kolki zapłacić, kudy pojduć hrošy, chto budzie na jakim numary, ci budzie ŭvohule vykonvacca zakon.
«Heta nie emocyi — heta kanstatacyja faktu, — paviedamiŭ Šunievič udzielnikam źjezda. — I ja prykładu ŭsie siły, uvieś svoj vopyt i viedy, kab hetuju zahanu likvidavać całkam i biezzvarotna».
Šunievič pieraściaroh prysutnych ad «rezkich dziejańniaŭ», patłumačyŭšy, što hety palaŭničy hod dapracoŭvajuć pa starych praviłach. Ludzi pavinny spakojna zaviaršyć pucioŭki, zdać spravazdaču, zdać zbroju na zachoŭvańnie. A voś z 1 studzienia nastupnaha hoda ŭsio kardynalna źmienicca.
Asnoŭnaje źmianieńnie, jakoje tyčycca kožnaha, — jehier pierastanie być arhanizataram palavańnia. Jehier stanovicca vyklučna vykanaŭcam — ažyćciaŭlalnikam palavańnia.
Kankretna heta značyć nastupnaje.
U jehiera bolš nie budzie asabistaj klijenckaj bazy.
Jehier nie maje prava samastojna zaprašać palaŭničych, damaŭlacca ab sustrečach, prymać hrošy.
Jehier nie vyrašaje, dzie i kali budzie pravodzicca palavańnie.
Jehier atrymlivaje ad svajho niepasrednaha kiraŭnika (staršaha jehiera, palavoda ci staršyni rajonnaj struktury) dakładnaje vytvorčaje zadańnie, aformlenyja dakumienty, pucioŭki i paliva pa tałonach abo kartkach — i vykonvaje jaho.
Usie znosiny z palaŭničymi nakont arhanizacyi kalektyŭnych palavańniaŭ, zbor hrošaj, vydača puciovak — całkam kładziecca na rajonnyja i mižrajonnyja struktury, na palavodaŭ i staršyniaŭ.
Rychtujecca dakumient
«Heta nie pažadańnie — heta budzie aformlena adzinym narmatyŭnym dakumientam, abaviazkovym dla vykanańnia na ŭsioj palaŭničaj terytoryi, arandavanaj BTPR, nievykanańnie jakoha budzie razhladacca jak hrubaje parušeńnie pracoŭnaj dyscypliny», — skazaŭ Šunievič.
Jon dadaŭ, što źmieny ŭvodziacca tamu, što «siońniašniaja sistema sparadžaje biezadkaznaść na ŭsich uzroŭniach, viadzie da materyjalnych strat, sparadžaje šmatlikija skarhi palaŭničych, imidžavyja straty», i takich prykładaŭ dziasiatki. Z novaha palaŭničaha siezona takoj schiemy bolš nie budzie.
«Kiraŭnik arhanizoŭvaje i adkazvaje za ŭsio, što adbyvajecca ŭ jaho haspadarcy, — 24 hadziny ŭ sutki, 7 dzion na tydzień, 365 dzion na hod. U vychodny, u śviata, nočču — usio roŭna», — padkreśliŭ Šunievič.
Pavodle jaho słoŭ, ni dla kaho nie sakret, što ŭ bolšaści jehieraŭ jość svaje «hurtki pa intaresach», u jakija ŭvachodziać daŭno im znajomyja palaŭničyja. I kalektyŭnyja palavańni pravodziacca ŭ asnoŭnym dla hetaha abmiežavanaha koła asob. Za taki vid «pasłuhi» jehier niaredka atrymlivaje niadrennyja «bonusy».
«Heta i jość korań usich našych siońniašnich bied: hrošy iduć pa-za kasy, parušeńni prykryvajucca, adkaznaść razmazvajecca», — zajaviŭ Šunievič.
Pry hetym jon paabiacaŭ «surjoznaje materyjalnaje zaachvočvańnie» tym jehieram, jakija sumlenna piarojduć na novuju sistemu, buduć jakasna vykonvać tolki svaju niepasrednuju pracu i prynosić dachod mienavita arhanizacyi, a nie sabie ŭ kišeniu. Budzie raspracavanaja prazrystaja sistema premij i nadbavak.
Kamientary
Łokalno ,iehieŕ caŕ i boh ochoty.
Prosto po putievkie/licienzii chrien kuda suniešsia,viezdie kružki po intieriesam.