U čaćvier biełaruskaja delehacyja na čale z prezydentam vylataje ŭ Havanu dla ŭdziełu ŭ Kanferencyi Ruchu niedałučeńnia. Ruch jadnaje 116 krain: Azii, Afryki, Łacinskaj Ameryki i tolki adnu eŭrapiejskuju - Biełaruś.
14 vieraśnia biełaruskaja delehacyja na čale z Alaksandram Łukašenkam vylataje ŭ Havanu dla ŭdziełu ŭ XIV Kanferencyi kiraŭnikoŭ dziaržaŭ i uradaŭ krain – udzielnikaŭ Ruchu niedałučeńnia.
Miarkujecca, što prezydent «vykaža pazycyju Biełarusi pa klučavych mižnarodnych prablemach, ahučyć biełaruskija inicyjatyvy, skiravanyja na ŭmacavańnie roli Ruchu niedałučeńnia ŭ sučasnym śviecie, pavyšeńnie jaho efektyŭnaści i zhurtavanaści krain-udzielnic», – zaznačaje BIEŁTA.
Miarkujecca, što A. Łukašenka praviadzie šerah sustreč z kiraŭnikami dziaržaŭ, jakija pryjechali ŭ Havanu.
Ruch niedałučeńnia byŭ stvorany ŭ 1961 h. krainami, što nie ŭvachodzili ŭ vajenna-palityčnyja bloki, i byŭ zadumany jak alternatyva raźvićcia va ŭmovach supraćstajańnia dźviuch system – ZŠA i SSSR. Jahonyja stvaralniki – Džavacharłał Neru, Kvame Nkruma, Sukarna, Hamal Abdel Naser – abviaścili tak zvany «treci šlach» raźvićcia.
Siońnia Ruch abjadnoŭvaje 116 krain Azii, Afryki i Łacinskaj Ameryki. Jość u ruchu i adna eŭrapiejskaja kraina – Biełaruś. U lik naziralnikaŭ uvachodziać Armenija, Kazachstan, Ukraina.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami1
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary