«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii
Lidarka demakratyčnych sił Biełarusi Śviatłana Cichanoŭskaja ŭ intervju Euronews zajaviła, što budučynia Biełarusi naŭprost zaležyć ad vynikaŭ vajny va Ukrainie, i vykazałasia za nieabchodnaść dasiahnieńnia spraviadlivaha i tryvałaha miru, a nie časovaha zacišša.
U razmovie z Euronews Śviatłana Cichanoŭskaja padkreśliła važnaść uličvańnia biełaruskaha pytańnia padčas pieramoŭ pra mir va Ukrainie i adznačyła nieabchodnaść ustalavańnia doŭhaterminovaj biaśpieki ŭ rehijonie: «Viadoma, budučynia našaj krainy zaležyć ad vynikaŭ vajny va Ukrainie. I, viadoma, my ŭsie chočam spraviadlivaha i tryvałaha miru, a nie prosta časovaha zacišša, jakoje daść Rasii mahčymaść pierahrupavacca i znoŭ pačać atakavać.
Dla nas važna, kab padčas hetych pieramoŭ aśpiekt Biełarusi taksama byŭ uklučany. Kab Biełaruś nie addali Pucinu ŭ jakaści suciašalnaha pryza, kab Biełaruś nie straciła svaju niezaležnaść. I tamu nam patrebnaja mocnaja Jeŭropa ŭ jakaści hulca na hetych pieramovach, jakaja budzie hołasam naroda Biełarusi.
Spadziajusia, što budzie adzinstva vakoł Ukrainy, vakoł našaha rehijonu. Što Ukrainie daduć usio patrebnaje, kab pieramahčy ŭ hetaj vajnie. My nie abaviazkova pavinny iści šlacham prezidenta Trampa, bo jahony padychod bolš tranzakcyjny. Ale my pavinny bolš stratehična dumać pra architekturu biaśpieki na mnohija hady napierad», — skazała jana.
Ciapier čytajuć
Siarhiej Cichanoŭski pierabraŭsia žyć u Łos-Andželes57
Kamientary
Kab chtości moh "nie addać" Biełaruś, jaje spačatku treba mieć kali nie ŭ kišeni, to chacia b u zonu ŭpłyvu.