Izrail staŭ pieršaj krainaj, jakaja pryznała Samalilend niezaležnaj dziaržavaj. Premjer-ministr Bieńjamin Nietańjachu i ministr zamiežnych spraŭ Hideon Saar padpisali dekłaracyju ad imia Izraila, a prezident Samalilenda Abdzirachman Machamied Abdułachi padpisaŭ jaje ad imia svajoj krainy.
Kiraŭnik MUS Izraila paviedamiŭ, što ŭ abiedźviuch krainach buduć adkryty ambasady i pryznačanyja pasły.
Paviedamlajecca, što ministry zamiežnych spraŭ Samali, Jehipta, Turcyi i Džybuci asudžajuć pryznańnie Izrailem Samalilenda, rehijona, jaki adkałoŭsia ad Samali, paviedamlaje Jehipiet.
Hety krok byŭ zrobleny paśla taho, jak u žniŭni źjavilisia paviedamleńni ab tym, što Samalilend byŭ siarod niekalkich krain, jakija viali pieramovy ź Izrailem ab mahčymym pierasialeńni paleścincaŭ ź siektara Haza.
Samalilend, rehijon sunickich musulman, praisnavaŭ piać dzion jak niezaležnaja dziaržava ŭ 1960 hodzie, na praciahu jakich jaho pryznali Izrail i 34 inšyja krainy, pierš čym jon abjadnaŭsia z Samali.
Samalilend adździaliŭsia ŭ 1991 hodzie, i choć nivodnaja inšaja kraina jaho nie pryznała, niekalki dziaržaŭ — Vialikabrytanija, Efiopija, Turcyja, AAE, Danija, Kienija i Tajvań — majuć tam svaje pradstaŭnictvy.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać33
Kamientary