ZŠA rychtujucca da novaj apieracyi pa zachopie rasijskaha tankiera, jaki raniej uciok ad pieraśledu kala bierahoŭ Vieniesueły
ZŠA rychtujuć šturm naftatankiera, jaki paśla pačatku svajho pieraśledu padniaŭ rasijski ściah i byŭ aficyjna ŭniesieny ŭ rasijski rejestr sudoŭ, paviedamlajuć telekanały CNN i CBS News sa spasyłkaj na amierykanskich čynoŭnikaŭ. Raniej tankier išoŭ pad inšymi ściahami, i jaho danyja nie ŭvachodzili ŭ rasijskija bazy.
Amierykanskija vajskoŭcy ŭžo rychtujuć apieracyju pa zachopu tankiera Marinera, jaki byŭ raniej viadomy jak Bella 1 i znachodzicca pad nazirańniem ź siaredziny śniežnia.
Apieracyja moža pačacca ŭžo na hetym tydni, adnak, jak i lubyja inšyja płany Pientahona, moža być admienienaja. Padrychtoŭka ŭklučaje vialikaje pierakidańnie vajskovaj techniki ŭ Vialikabrytaniju: na avijabazach Ferfard i Lejkienchit pryziamlilisia 12 samalotaŭ C-17, dva viertaloty V-22 Osprey i dva šturmaviki AC-130.
Tankier išoŭ ź Irana ŭ Vieniesuełu, ale ŭ siaredzinie śniežnia źmianiŭ kurs, kab paźbiehnuć zatrymańnia amierykanskaj bierahavaj achovaj.
ZŠA paličyli, što sudna parušyła błakadu Vieniesueły, uviedzienuju Donaldam Trampam dla tankieraŭ, jakija trapili pad sankcyi. Amierykancy atrymali ordar na aryšt tankiera, ale ŭ ich tady nie atrymałasia padniacca na jaho bort.
Paśla hetaha ekipaž namalavaŭ na korpusie tankiera rasijski ściah i zajaviŭ, što sudna znachodzicca pad abaronaj Rasii. Tankier byŭ aficyjna zarehistravany ŭ rasijskim rejestry, a Maskva dasłała Vašynhtonu dypłamatyčnuju notu z patrabavańniem spynić pieraśled.
Amierykanskija čynoŭniki, adnak, ličać, što heta nie abaraniaje sudna, bo kali bierahavaja achova ŭpieršyniu pasprabavała jaho zatrymać, jon nie mieŭ sapraŭdnaha nacyjanalnaha ściaha. Tankier Marinera raniej byŭ zarehistravany ŭ Panamie i znachodzicca pad sankcyjami ZŠA z 2024 hoda za pieravozku iranskaj nafty.
ZŠA pieradusim chočuć zachapić sudna, a nie zatapić jaho. Padobnaja apieracyja ŭžo pravodziłasia raniej z tankieram The Skipper i inšymi sudnami, ale ciapier jana budzie składaniejšaja z-za drennaha nadvorja i rasijskich zajavaŭ. Mahčymy kanflikt pamiž Vašynhtonam i Maskvoj u vyniku hetaha zusim nie vyklučajecca.
Pa apošnich danych, tankier ruchajecca na poŭnačy Atłantyčnaha akijana ŭzdoŭž bierahoŭ Vialikabrytanii. MZS Rasii zajaviła, što sočyć za situacyjaj i padkreśliła, što sudna nibyta płavaje ŭ mižnarodnych vodach pad rasijskim ściaham i ŭ poŭnaj adpaviednaści z normami mižnarodnaha marskoha prava.
Vieniesueła vykarystoŭvaje dla transpartavańnia svajoj nafty tankiery-«zombi»
Rubia: Nas nie chvaluje rytaryčnaja padtrymka Rasijaj Vieniesueły
ZŠA zachapili treci tankier kala bierahoŭ Vieniesueły
ZŠA zachapili druhi naftavy tankier kala bierahoŭ Vieniesueły
Tramp zahadaŭ uvieści «poŭnuju i kančatkovuju» błakadu ŭsich tankieraŭ, jakija zachodziać u Vieniesuełu
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary