U Rasii zafiksavali rekordnuju za 15 hadoŭ kolkaść ciažkich i asabliva ciažkich złačynstvaŭ
Chacia ahulnaja kolkaść złačynstvaŭ u RF źniziłasia da minimumu za 15 hadoŭ, adnak kolkaść ciažkich i asabliva ciažkich dasiahnuła rekordu. Rost ličbaŭ u hetaj katehoryi praciahvajecca treci hod zapar.
U 2025 hodzie ŭ Rasii było ździejśniena 627,9 tysiačy ciažkich i asabliva ciažkich złačynstvaŭ, śviedčać danyja MUS, źviarnuła ŭvahu «Viorstka».
Hety pakazčyk źjaŭlajecca rekordnym za apošnija 15 hadoŭ — bolš złačynstvaŭ ciažkaha i asabliva ciažkaha charaktaru apošni raz fiksavali tolki ŭ 2010 hodzie.
Rost kolkaści ciažkich i asabliva ciažkich złačynstvaŭ praciahvajecca ŭžo treci hod zapar. U 2023 hodzie jon skłaŭ 9,7% (kolkaść złačynstvaŭ dasiahnuła 589 tysiač), u 2024 hodzie — 4,8% (617,3 tysiačy złačynstvaŭ), a ŭ 2025 hodzie — 1,7%.
Macniej za ŭsio kolkaść ciažkich i asabliva ciažkich złačynstvaŭ uzrasła ŭ rehijonach Dalokaha Uschodu i Dahiestanie. Tak, u Jakucii hety pakazčyk vyras na 60,7% (da 5,7 tysiačy złačynstvaŭ), na Kamčatcy — na 18,7% (da 1,8 tysiačy), u Dahiestanie — na 15,3% (da 5,3 tysiačy) i na Sachalinie — na 12% (da 2,5 tysiačy).
Pry hetym ahulnaja kolkaść zafiksavanych u Rasii złačynstvaŭ u 2025 hodzie źniziłasia na 7,3% — da 1 młn 771 tysiačy. Heta rekordna minimalnaje značeńnie za jak minimum apošnija 15 hadoŭ.
Da katehoryi ciažkich i asabliva ciažkich adnosiacca naŭmysnyja złačynstvy, za ŭčynieńnie jakich praduhledžana pakarańnie ŭ vyhladzie pazbaŭleńnia voli na termin zvyš piaci i dziesiaci hadoŭ adpaviedna. Naprykład, razboj, vymahalnictva ŭ bujnym pamiery, zabojstva, a taksama ceły šerah narkatyčnych artykułaŭ.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary
"Hieroi" vazvraščajucca s fronta!