«Aciapleńnie viarnuli, a praź niekalki hadzin truby łopnuli». Što adbyvajecca z radyjatarami ŭ Sucharavie
Avaryjnuju situacyju, jakaja pakinuła bieź ciapła piać rajonaŭ stalicy, likvidavali, ale zajavy žycharoŭ u dyśpietčarskija słužby ŽKH praciahvajuć pastupać da hetaha času. Učora čarhovy praryŭ adbyŭsia ŭ mikrarajonie Sucharava, piša Onliner.by.
Aciapleńnie ŭ domie pa vulicy Łabanka, 108, paśla vialikaj avaryi viarnuli ŭčora prykładna a treciaj hadzinie dnia, ale kvatery navat nie paśpieli prahrecca. Užo praź niekalki hadzin, a 19:30, nie vytrymaŭ nahruzki radyjatar u druhim padjeździe.
— Radyjatar z kipiačaj vadoj u padjeździe łopnuŭ. Bačnaści ad hustoha paru nie było na ŭsie 9 pavierchaŭ. Haračaj vady na pieršym paviersie — pa ščykałatku. Navat dychać ciažka było, stolki vilhaci ŭ pavietry. My chutka vybiehli, sfatahrafavali ŭsio heta i zabiehli nazad u kvateru, kab para nie trapiła ŭ žyllo, — raspaviała žycharka doma Jana. — Kandensat na ścienach źbiraŭsia tak chutka, što ŭ tambury na trecim paviersie ŭtvaryłasia łužyna.
Vadu pierakryvali supracoŭniki MNS. Dabicca ŽESa ŭčora Janie tak i nie ŭdałosia, kaža, što na linii «čarha była z 100 čałaviek». U siamji adnahadovaje dzicia, tamu minčanie časova pajechali z chałodnaj kvatery da svajakoŭ. Adnak baćki Jany zastalisia ŭ žylli.
— Usiu noč radyjatary šumieli — ź sistemy, vidać, źlivali vadu. Zaraz užo amal abied, a ŭ nas sa ŭčorašniaha viečara niama ni ciapła, ni haračaj vady. Tempieratura ŭ kvatery ciapier mienš za 16 hradusaŭ, — dadaje minčanka. — Rečy nie možam ni pamyć, ni vysušyć užo treci dzień.
Vyjaviłasia, što biez aciapleńnia i haračaj vady ŭčora zastalisia nie tolki dom №108, ale i №110 (u pryncypie heta adzin budynak, choć i padzieleny na dva adrasy). Tam truby łopnuli jašče raniej, i MNS dziažuryła tam užo ź piaci hadzin viečara, raspaviali žychary susiednich padjezdaŭ.
— Aciapleńnie ŭ dom vierniecca siońnia najbližejšym časam. Ciapier zaviaršajucca raboty ŭ domie №17 i domie №60. Potym iduć na dom №108. Dakładny čas skazać nie mahu. Śpiecyjalisty pracujuć i ŭnačy, i biez abiedu, — prakamientavali situacyju ŭ dyśpietčarskaj słužbie ŽES №114, u viadzieńni jakoj absłuhoŭvańnie abodvuch damoŭ. — Žycharam treba patryvać i pačakać.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary