Tramp daručyć raskryć dakumienty, «jakija datyčacca inšapłanietnaha i pazaziamnoha žyćcia» i NŁA
Raniej Tramp zajaviŭ, što Barak Abama «raskryŭ sakretnuju infarmacyju» pra isnavańnie inšapłaniecian paśla taho, jak były prezident ZŠA parazvažaŭ pra ich u padkaście.
Tramp daručyć raskryć dakumienty, «jakija tyčacca inšapłanietnaha i pazaziamnoha žyćcia» i NŁA, piša Bi-bi-si.
«Uličvajučy vielizarnuju cikavaść, ja daruču vajennamu ministru Pitu Chiehsietu i adpaviednym departamientam i ahienctvam pačać praces vyjaŭleńnia i raskryćcia ŭradavych dakumientaŭ, jakija tyčacca inšapłanietnaha i pazaziemnaha žyćcia, nieapaznanych pavietranych źjaŭ (NPZ) i nieapaznanych latajučych abjektaŭ (NŁA), a taksama luboj inšaj infarmacyi, źviazanaj z hetymi vielmi składanymi, ale nadzvyčaj cikavymi i važnymi pytańniami», — napisaŭ Donald Tramp u svajoj sacsietcy.
Raniej Tramp zajaviŭ, što Barak Abama «razhałasiŭ sakretnuju infarmacyju» ab isnavańni inšapłaniecian paśla taho, jak były prezident ZŠA razvažaŭ pra ich u padkaście.
«Tak, jany isnujuć, ale ja ich nie bačyŭ», — kazaŭ Abama. Jon taksama paviedamiŭ, što za čas svajho prezidenctva nie bačyŭ dokazaŭ kantaktaŭ z pazaziamnymi istotami.
Paźniej jon apublikavaŭ frahmient zapisu padkasta i rastłumačyŭ, što mieŭ na ŭvazie vyklučna statystyčnuju vierahodnaść isnavańnia pazaziamnoha žyćcia: «Ja staraŭsia adkazvać chutka, padładžvajučysia pad temp chutkich pytańniaŭ viadučaha».
Na pytańnie ab isnavańni inšapłaniecian prezident Tramp adkazaŭ: «Nu, ja nie viedaju, isnujuć jany ci nie. Mahu tolki skazać vam, što jon razhałasiŭ sakretnuju infarmacyju. Jon nie pavinien byŭ hetaha rabić. Jon zrabiŭ vialikuju pamyłku».
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik33
Kamientary