U minskaj Malinaŭcy na miescy daŭhabuda pabudujuć novy handlovy centr i parkinh
U mikrarajonie Malinaŭka ŭ Minsku na miescy niedabudavanaha parkinha žyłoha kompleksu «Miehapolis» na skryžavańni praśpiekta Dziaržynskaha i vulicy Jana Čačota płanujuć pabudavać novy šmatfunkcyjanalny kompleks. Jaho chočuć uvieści ŭ ekspłuatacyju ŭ 2027 hodzie, piša ahienctva «Minsk-Naviny».
Raniej tut mierkavałasia pabudavać šmatuzroŭnievy parkinh, adnak prajekt nie byŭ zavieršany. Paźniej abjekt navat źbiralisia źnieści, ale letaś u jaho źjaviŭsia novy ŭłaśnik, jaki adnaviŭ budaŭnictva.
Pavodle prajekta, na ŭčastku źjavicca kompleks z aŭtastajankaj, pamiaškańniami dla servisu, aŭtamyjkaj, zonami dla azdaraŭleńnia, a taksama handlovymi halerejami i administracyjnymi ofisami. Budynak budzie składacca ź dźviuch administracyjnych častak vyšynioj ad piaci da vaśmi pavierchaŭ. U centry raźmieścicca čatyrochpaviarchovy parkinh na 300 mašyna-miescaŭ ahulnaj płoščaj kala 7,2 tysiačy kvadratnych mietraŭ.
Čakajecca, što novy abjekt dapamoža źmienšyć kolkaść aŭtamabilaŭ u dvarach i zrobić zručniejšym ujezd u stalicu dla haściej i supracoŭnikaŭ kampanij.
Budaŭničyja raboty praciahvajucca i zimoj: na placoŭcy naładžana aciapleńnie, vykarystoŭvajucca śpiecyjalnyja materyjały dla bietanavańnia. Zaraz rabočyja rychtujuć asnovu pad padłohu cokalnaha paviercha, zalivajuć kałony i pierakryćci, a taksama ŭładkoŭvajuć rampy ŭjezdu i vyjezdu z parkinha. Z sakavika płanujuć pačać muravańnie ścien.
Akramia taho, niepadalok — na skryžavańni praśpiekta Dziaržynskaha i vulicy Kłary Cetkin — pačałosia budaŭnictva jašče adnaho šmatfunkcyjanalnaha handlova-administracyjnaha kompleksu. Jon źjavicca na miescy byłoj pradzilnaj fabryki.
U cichi kvartał u centry Minska pryduć pieramieny. Tam budzie vializny skvier, centr sučasnaha mastactva i parkinh
Sioleta abiacajuć adkryć paśla rekanstrukcyi «karabiel» — znakamity korpus BNTU
U Minsku chočuć pabudavać most pamiž Brylevičami i Kurasoŭščynaj
U Minsku budujuć novaje «Akreścina» ŭ hłuchoj pramzonie. A što budzie sa starym?
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY10
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary