«Z hiendarnaj dyskryminacyjaj babroŭ skončana». Kala Babrujskaj krepaści pastavili skulpturu babrovaj pary
U Babrujskaj krepaści źjaviłasia novaja tematyčnaja skulptura — para babroŭ. Jaje pastavili kala parachavoha składa na vulicy Karła Apiermana, 15, pobač z kramaj «Spadarožnik». Skulptura pakazvaje babra ŭ vajskovym mundziry XIX stahodździa razam ź jaho spadarožnicaj-babrychaj u śviatočnym ubory, piša vydańnie Bobr.by.
Aŭtar idei Leanid Kavalenka adznačyŭ, što ŭ Hod biełaruskaj žančyny ŭ Babrujsku źjaviłasia pieršaja žanočaja vyjava haradskoha talismana — babra, a taksama pieršaja skulptura, jakaja pakazvaje siamiejnuju paru babroŭ. Pavodle jaho słoŭ, tak simvalična «skončyłasia hiendarnaja dyskryminacyja» siarod babrovych skulptur.
Novych babroŭ pastaviła pryvatnaje pradpryjemstva «XIX stahodździe», jakoje pracuje ŭ śfiery turyzmu. Patryjatyčnuju častku dziejnaści kampanii faktyčna vykonvaje siamiejnaja kamanda — baćka i dva syny Kavalenki. Jany taksama zajmajucca adnaŭleńniem parachavoha sklepa, kala jakoha ciapier staić skulptura.
Ustalavańnie novaha art-abjekta pavinna źviarnuć uvahu da terytoryi cytadeli. Sa skulpturaj užo možna fatahrafavacca, ale jaje ŭračystaje adkryćcio zapłanavana na nastupny tydzień. Na cyrymoniju zaprošana kiraŭnictva horada, taksama budzie vystupać vajskovy arkiestr 147‑ha zienitnaha rakietnaha pałka.
Čakajecca i teatralizavanaja častka: źjavicca «kamiendant krepaści» z XIX stahodździa razam z damami i vajskoŭcam impieratarskajarmii. Vobraz babrychi zrobleny pa matyvach karciny rasijskaha mastaka Ivana Kramskoha «Nieviadomaja».
Parachavy skład, kala jakoha staić skulptura, niadaŭna pačali adnaŭlać. Pad kantrolem Ministerstva kultury adramantavali ścieny i kamienny pojas budynka. Nastupnym etapam stanie adnaŭleńnie falcavanaha dachu, jaki byŭ paśla budaŭnictva składa.
Sa słoŭ adnaho z udzielnikaŭ prajekta Dźmitryja Kavalenki, restaŭracyja idzie nie tak chutka, jak płanavałasia. Adnak najbližejšaj padziejaj stanie stvareńnie da 9 maja fotazony kala parachavoha składa. Tam płanujuć vystavić dva retraaŭtamabili — HAZ M-20 «Pabieda» i HAZ-12 ZIM.
Pamiatajecie lehiendarnuju Babu Raju, jakaja viała instahram Kamaroŭki? Jana źnikła — spravu praciahvaje jaje «ŭnučka»
Hałoŭny most Mahilova chočuć nazvać u honar savieckaha raźviedčyka. Ale jość histaryčnaja niestykoŭka
Dzie ŭ Minsku možna ŭbačyć skulptury koniej — simvałaŭ 2026 hoda
U Stolinie studentka vylepiła sa śniehu vialikaha cmoka FOTAFAKT
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary