Amierykana-izrailskaja vajna ź Iranam ryzykuje advieści ŭvahu suśvietnaj supolnaści ad vajny va Ukrainie.
Ukraina nakiravała bieśpiłotniki-pierachopniki i hrupu ekśpiertaŭ pa ich dla abarony amierykanskich vajennych baz u Iardanii, zajaviŭ prezident u intervju New York Times.
Pa słovach Zialenskaha, ZŠA źviarnulisia pa dapamohu ŭ čaćvier, i ŭkrainskaja hrupa vylecieła na nastupny dzień. Bieły dom nie adkazaŭ na pytańnie vydańnia, ci źviartalisia ZŠA pa dapamohu da Ukrainy.
Amierykana-izrailskaja vajna ź Iranam ryzykuje advieści ŭvahu suśvietnaj supolnaści ad vajny va Ukrainie, kamientuje New York Times. Ale ŭ toj ža čas jana dała Kijevu mahčymaść vykarystać nabyty dośvied i pieradavyja technałohii na novym froncie.
Ukraina prapanavała dapamohu amierykanskim vojskam i ich blizkaŭschodnim sajuźnikam u abaronie ad iranskich udarnych bieśpiłotnikaŭ, jakija Rasija hadami vykarystoŭvaje va Ukrainie.
«Kijeŭ spadziajecca zarabić bały ŭ pieramovach pra mir pry pasrednictvie ZŠA. Adnosiny zastajucca napružanymi. U čaćvier prezident Donald Tramp znoŭ zajaviŭ, što ličyć Zielenskaha bolšaj pieraškodaj dla mirnaj damovy, čym prezident Uładzimir Pucin», — kamientuje vydańnie.
Ukrainski lidar zajaviŭ vydańniu, što choča dapamahčy krainam Blizkaha Ŭschodu, ale taksama pavinien zbałansavać hetyja zapyty z patrebami Ukrainy ŭnutry krainy.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3737
Kamientary
Baranici izrail - panad usim.