Rasijskija ahurki ŭ kramach kaštujuć užo tańniej za biełaruskija
Ministr antymanapolnaha rehulavańnia i handlu Artur Karpovič paviedamiŭ u efiry News.by, što heta źviazana z kankurencyjaj na rynku. Miž tym jašče dva tydni tamu biełaruskija ahurki vydavali za rasijskija, kab pradavać ich daražej.
Pavodle słoŭ čynoŭnika, biełaruskija ahurki ciapier pradajucca prykładna pa 8 rubloŭ za kiłahram, u toj čas jak rasijskija — kala 7 rubloŭ. Ministr padkreśliŭ, što heta zvyčajnyja zakony rynku: vytvorcy i pradaŭcy spaborničajuć pamiž saboj i imknucca atrymać prybytak.
Artur Karpovič adznačyŭ, što ŭ jahonym viedamstvie pastajanna kantralujuć farmavańnie cen i sočać, kab nie było nieabhruntavanaha ich padvyšeńnia. Kali vyjaŭlajucca vypadki, kali pradaŭcy naŭmysna zavyšajuć ceny abo parušajuć praviły handlu, da ich užyvajuć sankcyi.
Što tyčycca praduktaŭ z «barščavoha naboru», to ich sioleta ŭ Biełarusi narychtavali nibyta stolki, kolki i nie treba:
«Nam u mižsiezonny pieryjad 2025/2026 hadoŭ udałosia vybudavać pad vyraznym kiraŭnictvam urada sistemu dziaržzakazu. Siońnia zapasaŭ dastatkova, jany pieravyšajuć navat našy patreby», — skazaŭ Karpovič.
Moža być, častku narychtavanaj pradukcyi navat daviadziecca kudyści pradać. Starajučysia, kab «nie atrymałasia tak, što ŭsio dobraje vyvieźli i pradali na ekspart».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary