«Adkul vy ŭsie?!» Słava Kamisaranka byŭ ašałomleny składam hledačoŭ na svaim kancercie ŭ ZŠA
Padčas amierykanskaha tura biełaruskaja zorka stendapu Słava Kamisaranka adčuŭ siabie tak, byccam nie vyjazdžaŭ ź Biełarusi. Što jašče bolš niejmavierna, bolšaść hledačoŭ na kancercie byli z adnaho i taho ž biełaruskaha horada.
Na svaim niadaŭnim šou «Dziakuj, u mianie ŭsio» ŭ Amsterdamie Słava Kamisaranka padzialiŭsia historyjaj sa svaich amierykanskich hastrolaŭ. Pavodle jaho nazirańniaŭ, kolkaść našych suajčyńnikaŭ u samych niečakanych miescach płaniety pačała pierachodzić usie miežy.
Vystupajučy ŭ haradach ZŠA, Kamisaranka vyrašyŭ pravieryć skład aŭdytoryi. Kali jon sa sceny vymaviŭ nazvu «Biełaruś», reakcyja zały była nastolki hučnaj, što komik razhubiŭsia.
«I atrymlivajecca, što ja vystupaju ŭ Atłancie ci ŭ Tampie — ja, karaciej, nie pamiataju — ale prykoł u tym, što ja prosta niešta kažu-kažu… Kažu: «Biełaruś», i zała takaja: «U-u-u!» I ja taki: «O, typu, siońnia šmat biełarusaŭ! Paapładzirujcie, biełarusy!»
I amal usia zała — a tam było čałaviek pad 700 prosta, čałaviek 500 plaskaje: «U-u-u!» I ja taki: «Blin, prykolna, jak šmat biełarusaŭ».
Słava prapanavaŭ hledačam interaktyŭ: na lik «try» vykryknuć nazvu svajho rodnaha horada. Artyst, vidavočna, čakaŭ pačuć roznahałośsie ź Minska, Bresta, Homiela i h.d., ale adbyłosia niečakanaje.
«Ja taki: «Rabiaty, ź jakoha vy horada? Prosta kryčycie ŭsie svaje harady! Raz, dva, try!» I zała takaja: «HRODNA!!!»
Słava adreahavaŭ z humaram: «Blin, što adbyvajecca naohuł?! Čamu vy nie z kartaj palaka ŭ Polščy naohuł usie?»
Na pytańnie, jak tak adbyłosia, jamu patłumačyli:
— U nas tam paru siemjaŭ pajechali, adzvanilisia, kažuć: «Usio narmalna, padjazdžajcie».
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Mnie odin biełarus, let 10 nazad s pienoj u rta dokazyvał, čto moja siestra, połučivšaja kartu polaka - zdradnica, jana zdradziła svajej razdimie, jana užo nie biełaruska. A zaraz toj samyj biełarus z kartaj palaka u toj samaj Polšcy žyvie, i jen nie zdradnik užo.