Ministerstva kultury paviedamiła pra śmierć viadomaha biełaruskaha kinarežysiora, zasłužanaha dziejača mastactvaŭ Biełarusi i łaŭreata Dziaržaŭnaj premii SSSR Viačasłava Nikifarava. Jamu było 83 hady.
Viačasłaŭ Nikifaraŭ naradziŭsia 13 žniŭnia 1942 hoda ŭ siale Viasiołaje Adlerskaha rajona Krasnadarskaha kraja.
U 1957—1959 hadach vučyŭsia ŭ viačerniaj teatralna-dramatyčnaj studyi pry Respublikanskim ruskim teatry va Ułan-Ude. U 1969 hodzie skončyŭ režysiorski fakultet Usiesajuznaha dziaržaŭnaha instytuta kiniematahrafii (VHIK).
U 1959—1963 hady byŭ akcioram teatraŭ u Abakanie i Razani, paśla pierajechaŭ u Minsk. Pracavaŭ režysioram-pastanoŭščykam na kinastudyi «Biełaruśfilm», a taksama supracoŭničaŭ z rasijskimi kinastudyjami.
U kino pracavaŭ z 1968 hoda. U 1986—1994 hadach byŭ pieršym sakratarom Praŭleńnia, staršynioj i sustaršynioj Biełaruskaha sajuza kiniematahrafistaŭ.
Za svaju karjeru źniaŭ kala 30 filmaŭ i telesieryjałaŭ. Siarod najbolš viadomych rabot — «Zimarodak», «Fruza», «Baćki i dzieci», «Dziaržaŭnaja miaža», «Vysakarodny razbojnik Uładzimir Dubroŭski» i inšyja.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary