Try turysty zahinuli ŭ Indaniezii padčas vyviaržeńnia vułkana, 20 prapali bieź viestak
Na indaniezijskim vostravie Chalmachiera adbyłosia vyviaržeńnie vułkana Dukona, u vyniku jakoha zahinuli jak minimum try turysty. 20 čałaviek prapali bieź viestak.
Siarod zahinułych — dvoje hramadzian Sinhapura i adzin žychar Indaniezii. Pavodle paviedamleńniaŭ, jany znachodzilisia ŭ rajonie vułkana padčas vyviaržeńnia.
Vyviaržeńnie adbyłosia ranicaj 8 maja. Vułkan vykinuŭ słup popiełu na vyšyniu bolš za 10 kiłamietraŭ.
Ratavalniki ŭžo evakujavali 14 čałaviek, piaciora ź ich atrymali traŭmy. Hrupa z 20 čałaviek da hetaha času nie vychodzić na suviaź.
U ich pošukach udzielničajuć dziasiatki supracoŭnikaŭ ekstrannych słužbaŭ. Pošukavyja raboty praciahvajucca, adnak ich uskładniaje vysokaja vułkaničnaja aktyŭnaść i niebiaśpiečnyja ŭmovy ŭ rajonie zdareńnia.
Ułady krainy ŭžo zabaranili miascovym žycharam i turystam nabližacca da vułkana ŭ radyusie 4 kiłamietraŭ, a taksama rekamiendujuć nadziavać maski dla abarony ad vułkaničnaha popiełu.
Vułkan Dukona — adzin z samych aktyŭnych vułkanaŭ nie tolki ŭ Indaniezii, ale i ŭ śviecie. Jon znachodzicca na poŭnačy vostrava Chalmachiera ŭ pravincyi Paŭnočnaje Małuku. Jaho ŭnikalnaja asablivaść zaklučajecca ŭ tym, što jon vyviarhajecca amal bieśpierapynna ŭžo na praciahu dziesiacihodździaŭ. Heta nie śpiačy hihant, a «kacioł» u pastajannaj pracy, jaki vykidvaje popieł i hazy. Vyviaržeńni praciahvajucca z 13 žniŭnia 1993 hoda pa ciapierašni čas.
Dukona — stratavułkan konusapadobnaj formy, składzieny płastami łavy i popiełu, vyšynioj kala 1087 mietraŭ nad uzroŭniem mora. U vułkana jość dva aktyŭnyja kratary — Małupanh i Varyranh. Z kanca sakavika 2026 hoda aktyŭnaść rezka ŭzrasła. Zaraz vułkan znachodziŭsia na II uzroŭni niebiaśpieki pa čatyrochuzroŭnievaj indaniezijskaj škale.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary