Biełaruskaha biznesmiena, jaki žyŭ u Łatvii, asudzili pa spravie Hajuna
56‑hadovy Marat Bušenka mieŭ kampanii va ŭsioj Jeŭropie. Niadaŭna jaho asudzili za «sadziejničańnie ekstremizmu».
Marat Bušenka naradziŭsia ŭ 1969 hodzie. Jaho dziacinstva prajšło ŭ Klecku. Paśla škoły vučyŭsia ŭ Lvoŭskim vyšejšym vajenna-palityčnym vučyliščy.
Doŭhi čas jon žyŭ na dźvie krainy — u Biełarusi i Łatvii. Apošnim časam, miarkujučy pa sacsietkach, bazavaŭsia ŭ Łatvii.
Zhodna z adkrytymi rehistrami, Bušenka byŭ zasnavalnikam i kiraŭnikom šerahu handlovych kampanij u roznych krainach. Siarod ich — polskaja Goods Express Trading, niamieckaja wwi UG, češskija MAG TRIO i Interclouds, a taksama rasijskaje TAA «Rekordys Favaryt» i minskaje TAA «Kamfort Aktyŭ». U minułym jon taksama vioŭ biznes u Estonii i Małdovie.
Letaś mužčynu aryštavali i źmiaścili ŭ SIZA. Bušenku asudzili pa častkach 1 i 2 artykuła 361‑4 KK — sadziejničańnie ekstremizmu. Mierkavana, pieraśled źviazany sa spravaj Hajuna. Mužčynu prysudzili chimiju z nakiravańniem ci kałoniju.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach abo na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj. Šmatlikija kryminalnyja spravy apošniaha času pa artykule ab «sadziejničańni ekstremizmu» byli źviazanyja sa «spravaj Hajuna».
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
«Sprava Hajuna» pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Zasnavalnik «Hajuna» Anton Matolka adrazu paśla ŭzłomu patłumačyŭ, jak adbyŭsia vyciek infarmacyi i abviaściŭ pra zakryćcio prajekta.
«Naša Niva» — bastyjon biełaruščyny
PADTRYMAĆ
Kamientary
Och už eti divannyje biźniesmieny. Kompanii v raznych stranach mohut otkryvaťsia dla udobstva administrirovanija, jeśli biźnies śviazan s postavkami mieždu stranami, ili, naprimier, transportnymi pierievozkami t.d. V staťje žie ničieho nie skazano ob oborotie etich kompanij, pravda?