Cichanoŭskaja pra ŭdary Rasii pa Ukrainie: Kožny taki ŭdar tolki jašče raz pakazvaje sapraŭdnuju sutnaść pucinskaha režymu
Śviatłana Cichanoŭskaja na svaje vočy pabačyła nastupstvy ŭčorašniaj ataki Rasii pa rajonach stalicy. Adzin ź ich — rajon Łukjanaŭka, jaki mocna paciarpieŭ: uźnikli šmatlikija pažary, całkam źniščany handlova-zabaŭlalny centr «Kvadrat».
«Rasija metanakiravana sprabuje złamać ludziej stracham, ciemraj, pastajannymi načnymi abstrełami. Ale kožny taki ŭdar tolki jašče raz pakazvaje sapraŭdnuju sutnaść pucinskaha režymu — režymu, jaki nie pryznaje ni čałaviečaha žyćcia, ni mižnarodnaha prava, ni miežaŭ. I režym Łukašenki niasie za heta svaju adkaznaść, bo dazvoliŭ vykarystoŭvać terytoryju Biełarusi dla ahresii, dla zapusku rakiet i raźmiaščeńnia rasijskaj zbroi.
Ale ja chaču, kab ukraincy viedali: biełarusy — z vami. My padtrymlivajem Ukrainu nie tamu, što heta «palityčna pravilna», a tamu što adčuvajem hety bol jak svoj. My bačym vašu mužnaść paśla kožnaj ataki. Heta i jość sapraŭdnaja siła. I ja ŭpeŭnienaja: nivodnaja rakieta nie zdoleje złamać narod, jaki zmahajecca za svaju svabodu i svaju hodnaść. Słava Ukrainie! Žyvie Biełaruś!» — skazała jana.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk6
Kamientary
U internecie hulaje śpis vojnaŭ (na ŭkrainskich kanałach), jakija pačała Rasieja. Pačytaj i vyvučy na pamiać.